Fui nua manhana abrilada
Cun sonidos i bózios de glória
Que ls brabos capitanes d’Abril
Demudórun la nuossa Stória.
Cun sonidos i bózios de glória
Que ls brabos capitanes d’Abril
Demudórun la nuossa Stória.
La represson i l faxismo acabórun
La polícia política fui zmantelada
L miedo queilha spalhou
Nesse die habie terminado
Estes homes sien suonho
Nun puoden quedar squecidos
Pul sou feito de balentie
Mas si quedarmos muito agradecidos.
5 comentários:
Dei l títalo a estes bersos "25 d'Abril".
- Die que ende s'arrima.
Capitanes sonhadores
Pu’l pobo, riscos curriran.
Mas outros más sabedores
Nistante los demitiran.
Lhibardade? A bien dezir
Nunca al pobo chegou
I an nome desse mintir
Muita gente s’amanhou.
Bonda oulhar l’eiducaçón:
Un lhumico amofinado,
An béç de ser un pendón
Que se bisse an todo l lhado!
Oubrigado Faustino por estes lindos bersicos, que a mie me atinjan de ua forma mui special. Fui ua inesquecible bibência de la mie bida militar, porque passei la nuite toda de 23 para 24 sien dromir, cheno de suonho, a scuitar, mui baixico, l radio, i pronto para partecipar na segurança de las Ambaixadas de Itália i de la Alemanha.
Grande parte de ls mieus camaradas de cuorso, an special ls de las Armas de Infantaria, Cabalaria i Administraçon Militar, partiporan directamente na reboluçon, dous deilhes mirandeses (un de Sandin i outro de Malhadas) i bários outros transmontano-durienses.
Fui un Prebilégio Stórico para muitos de la mie geraçon, teneram-se abinturado i arriscado la bida i la carreira militar para daran l grande salto Stórico pala Liderdade de (3Ds) “Descolonizar, Democretizar e Desenvoler”.
Por este facto, screbiste bien Faustino, “estes homes nun puoden quedar squecidos, pul sou feito de balentie quedamos muito agradecidos”.
Leonardo Antão
Caro Faustino
Nunca será demais l que se scribir de l 25de Abril. Pala giente mais nuoba, nun le dirá ya muito, inda bien, mas pals de cinquenta anhos ou mais, que bibiran ua sociedade de miedo, solo esso bundaba para rebibir cun muito ampeinho aqueilho que mudou la bida de todos.
Enviar um comentário