A que amenaças stában
sujeitos ls malianos estes últimos meses antes de ampeçaren a sentir-se outra beç an lhiberdade faç
agora pouco mais de 15 dies graças a l'anterbençon de tropas de suldados malianos ajudados tamien
por franceses, nigerianos, togoleses,
etc. ?
Este decumiento
fui ancuntrado na puorta dun restourante, an Gao, cidade maliana lhibertada hai dous dies, sendo la última
la de Tombuctu que ampeçou a ser
lhibertada solamente onte.
L decumiento ancuntrei-lo
aqui ne l site de la rádio Europe 1: http://www.europe1.fr/International/A-Gao-la-liste-des-interdits-1396643/
Na lista de amenaças
proferidas i redigidas por un lhado nun francés mais que aprossimatibo quier
dezir cun bastantes erros i an árabe por outro (mas cumo nun cunheço essa lhéngua
nun fazerei comentairos), podemos assi i todo ler l seguinte:
Las cousa(s)
proibida(s) na cidade (Ye proibido,a...)
1. que
la mulhier sala pa la rue sien l béu islámico
2. que abaixe até la ribeira sien l béu islámico
3. l comércio de cigarros, droga i álcool assi cumo l sou cunsumo
4. ber filmes ilícitos
5. la mixidade (las fiestas, las motorizadas...)
6. la bruxarie(s)
7. la música i la sue distribuiçon
8. l “zina” i l que se le assemelha (puls bistos, an árabe: relaçones sexuales antre un home i ua mulhier sien que estes steian casados i outras relaçones sexuales cunsideradas anormales...)
2. que abaixe até la ribeira sien l béu islámico
3. l comércio de cigarros, droga i álcool assi cumo l sou cunsumo
4. ber filmes ilícitos
5. la mixidade (las fiestas, las motorizadas...)
6. la bruxarie(s)
7. la música i la sue distribuiçon
8. l “zina” i l que se le assemelha (puls bistos, an árabe: relaçones sexuales antre un home i ua mulhier sien que estes steian casados i outras relaçones sexuales cunsideradas anormales...)
Passa-se ou inda
se passaba todo esto, inda nun hai muito, solo nun paíç cumo l Mali, quier
dezir: un paíç de África, pobre i subzambuolbido, a miles de quilómetros de la
nuossa bielha Ouropa ?!
De forma ningua !
Quedamos de boca
abierta quando sien ir mui loinge mos damos de cuonta que moças percipalmente, cun
menos de trinta anhos até, que fúrun nuossas alunas, alunas médias ou cun
fracos resultados giralmente assi i
todo, deixórun de se bestir normalmente ou cumo questumábamos bé-las bestir-se i pássan (mas até quando?) a tapar l pelo, l
cachaço i l resto de l cuorpo cun grandes roupones giralmente de quelor preta.
Onde?
A pouco metros de
adonde you moro.
An França.
3 comentários:
É desolador que nos tempos de hoje a igualdade entre os Seres ainda não seja reconhecida. Pior, ainda, quando é originada por uma lei religiosa.
Parece-nos que Deus não terá tido esta intenção ao Criar a Mulher á semelhança do Homem.
Deveríamos ser semelhantes, parecidos, iguais, pelo menos no tratamento humano.
Irmãos Muçulmanos são só os Homens?
As Mulheres não são irmãs?
Beijos
SOL
Biba !
Pul que oubi i antendi, l objetibo dessa guerra ne l Mali nun ye cumbater la regelion muçulmana que nun ye pior ou melhor que outras; mas si stremistas que téntan justeficar formas de antemidaçon, de bioléncia i mesmo de terror a que subméten las populaçones neste caso an nome dun dius que serie Alá.
Hai que fazer bien la destinçon.
Ua relegion seia eilha qual fur só ye aceitable se respeitar la lhiberdade andibidual de cada ser houmano.
Agora se Dius eisiste esso nun sei. L que sabemos ye que hai homes i mulhieres cumo nós todos que quieren antes de mais nada bibir an harmonie.
Simpresmente.
... relegion...
Enviar um comentário