L miu cumpadre Zé

Pensamos nós al mais de las bezes que coincemos las pessonas, mas agora beio que nun ye bien berdade. Miu cumpadre Zé fui siempre un home reserbado. Siempre assi l coinci, yá alhá ban uns buns anhos. De há uns tiempos par acá, tem-se rebelado ua pessona defrente.

Inda l´outro die, iba you a passar i alhá staba el, na cumbersa, por acaso bien animada cun outros homes. Mal me biu chamou-me lhougo:

- Beni acá cumpadre que bós habeis de gustar de oubir isto.

Arrimei-me l grupo, i era miu cumpadre que todo querie dezir, i cuntinaba:

- Pus bós nun bedes que l´Europa parece qu´inda nun antandiu l que stá a passar!... Pus l Mundo mudou muito, i stá a demudar mui debrebe. D´antigamiente, parte de la riqueza beni pa l´Europa, agora nó, i nun bedes cumo aqueilhes países que naide daba nada por eilhes como els agora mandan na economie!... Ls países mais ou menos ricos inda puodan dezir algo, agora nós ls probes, somos cumo um palico mandado.

Ende you nun pudie ficar calhado.

- A!... cumpadre, anton cruzamos ls braços?

- Nó!.. dezi el, mas, a  mi mai siempre l´oubi dezir, pus la huorta que nun ye tratada seca-se i nun dá nada, i ficou-se puli.

Quando l deixei beni you a manginar naquilho de la huorta.

El ye capaç de tener rezon, se nun tratamos d´al que ye nuosso, quin l eirá tratar?...


Valter Deusdado