Eiqui benimos bien l sabeis
Benimos a dar-bos las buonas-fiestas
I tamien cantar ls Reis
Quien dezimos que biba
A la calor que sal dessa brasa
Que seia la nina Marie
La cousa mais guapa desta casa
Tie que stais andentro de casa
Oh!... guapa i ancantada
Mandai la moça al fumeiro
Dar janeiras abantaijada
Ua chouriça para mi
I outra pa l miu camarada.
An Belén
Hai bien poucos dies
Naciu l Nino Jasus
Nós solo somos cantores
Bós fumeiro mos stais a dar
El a bós i a la moça
Cun salude bos há-de pagar.
2 comentários:
Bun anho anho Natália,
L fumeiro stá acá cun uas quelores, que nien te digo.
Salude i que nunca mos falte la gana, seia para cantar, seia para comer ua chouricica ou ua tabafeia.
Abraço,
Amadeu
Buonas nuites Natália,
L munton de chouriças stá cun uas quelores bien porreiras.
Que buonas serien cozidas ou assadas.
Un bun anho i un abraço.
Francisco
Enviar um comentário