10/01/09

Amor ye fuogo qu'arde sin se ber



Amor ye fuogo qu'arde sin se ber;
Ye frida que duole i nun se sinte;
Ye un cuntentamiento çcuntente;
Ye delor que zatina sin doler;

Ye un nun querer mais que bien querer;
Ye solico andar por antre la giente;
Ye nunca cuntentar-se de cuntente;
Ye cuidar que se ganha an se perder;

Ye querer star preso pur buntade;
Ye serbir a quien bince l bincedor;
Ye tener cun quien mos mata, lealdade.

Mas cumo causar puode sou fabor
Ne ls coraçones houmanos amisade,
Se tan cuntrairo para si ye l mesmo Amor?

(Luís de Camões)
Traduçon de
JOSÉ ALMENDRA


Sem comentários: