Aquel curral staba ua sterqueira qual loija pur mundar.
L chano staba ansopado cun palha negrida de la chamusca de l cebado i pisanhado, l chamusco a sturro i a auga caliente de la lhabaige i sfrega de l cuiro misturaba-se agora cula araige húmada que antraba pulas portaladas.
Nun pote a jeito puosto ne l braseiro de ls tiçones que ardien ne l strafugueiro de la cozina ls temperos stában sperando pulas tenrielhas manjar que amanharien las tripas de to ls matancieiros, la fartura daba agora buolta a tiempos de spera i scasséç de chicha
Tenie de ser agora nunca l podie ser mais temperano, las nuites grandes i fries, las giladas fazien falta, la chicha berde percisaba de las piedras de sal anteiras muito tiempo, las tabafeias, chabianos, chouriços, chouriças, bocheiras i botielhos de l lhume i de fumo para tomar cura.
Curada i amanhada quedaba pur algun tiempo la mesa i l caixon desta casa, sarada staba la chaga benida dua fame ampuosta pula falta i scasséç de chicha que se passában.
Abinçoada muorte que te faziste fartura, anchieste la çpensa i la mosqueira culs persuntos, las baras de l fomeiro, ls barrinhones d’unto, la mesa cun chicos i bezunteste ls beiços de la gientes.
Tratado i cebado a bianda, fuste puosto al cuidado de l melhor santo anquanto an bida, marcórun-te la muorte an die cierto, tenes l pendon dun die de fiesta, ajuntar ls parientes, amigos i bezino an cumbíbio cheno d’alegrie i muito quemer.
La matáncia de l cochino fazie para muitos la defréncia antre la fame i la fartura, la chicha acumpanhada de pan fazírun pur muito tiempo rezon de saber s'algue se tenie.
L chano staba ansopado cun palha negrida de la chamusca de l cebado i pisanhado, l chamusco a sturro i a auga caliente de la lhabaige i sfrega de l cuiro misturaba-se agora cula araige húmada que antraba pulas portaladas.
Nun pote a jeito puosto ne l braseiro de ls tiçones que ardien ne l strafugueiro de la cozina ls temperos stában sperando pulas tenrielhas manjar que amanharien las tripas de to ls matancieiros, la fartura daba agora buolta a tiempos de spera i scasséç de chicha
Tenie de ser agora nunca l podie ser mais temperano, las nuites grandes i fries, las giladas fazien falta, la chicha berde percisaba de las piedras de sal anteiras muito tiempo, las tabafeias, chabianos, chouriços, chouriças, bocheiras i botielhos de l lhume i de fumo para tomar cura.
Curada i amanhada quedaba pur algun tiempo la mesa i l caixon desta casa, sarada staba la chaga benida dua fame ampuosta pula falta i scasséç de chicha que se passában.
Abinçoada muorte que te faziste fartura, anchieste la çpensa i la mosqueira culs persuntos, las baras de l fomeiro, ls barrinhones d’unto, la mesa cun chicos i bezunteste ls beiços de la gientes.
Tratado i cebado a bianda, fuste puosto al cuidado de l melhor santo anquanto an bida, marcórun-te la muorte an die cierto, tenes l pendon dun die de fiesta, ajuntar ls parientes, amigos i bezino an cumbíbio cheno d’alegrie i muito quemer.
La matáncia de l cochino fazie para muitos la defréncia antre la fame i la fartura, la chicha acumpanhada de pan fazírun pur muito tiempo rezon de saber s'algue se tenie.
...mal íban las cousas quando habie necidade de dezir "pan nun tenemos i cochinico nun matemos"...
4 comentários:
Feliz Ano Novo Para todas as Froles Mirandesas
beijinho
Carmo
Habie an Fuonte Aldé ua moça chamada Einés que dezie assi:
Á Einés, tu bien bés, pan nun tenemos, cochinico nun matemos, se te quieres ir bai-te, mas nun digas que te ampuntemos.
Feliçmente para eilha que se fui i para bien acerca por acaso, quaijeque a um tiro de lapada i tube muita suorte na bida. An Miranda ye sobeijamente conhecida.
Deseio-bos muita salude tie Einés.
Tamien cumo Carmo deseio a to l mundo un feliç Anho Nuobo de 2010, muita salude para screbir i fazer mais cousas.
Puis Féliç l dito ye mesmo esse, pur Zenízio tamien assi se dezie, i se calha pulas "Einés d'alhá
Un abraço para todos
Faustino
Buonas tardes Faustino,
Guapo testo subre la matáncia i mais guapo inda l retrato de l fumeiro. Parabienes i un buono anho de 2010.
Francisco
Enviar um comentário