Habe um tiu an Infaniç que era conhecido pul home de los siete oufícios, mas tenie más que siete porque fazie cholas, çapatos i albarcas (çapateiro); cestos, scrinhos (ceteiro), serracion de madeira, carros, carroças, carretas, armaçones de las casas, sobrados, triatos, puortas, arados, jugos pa las bacas i burros, scanhos, talhos, cadeiras, fuolhes para assoprar l lhume (carpinteiro - até tenie um torno cum pedal, feito por el, que serbie para aguçar machadas i facas no smeril i até fazer balaustros an madeira); caldeiros de zinco, caldeiras i caldeiretas an cobre (lhatoneiro); meias e miotes (???); picaba calhaus para portales i faze paredes (pedreiro); arrincaba los dentes, cortaba l pelo i fazie la barba (barbeiro); amanhaba los guardachubas i até fizo un an plástico (guardachubeiro); albardas i melenas (albardeiro); (pastor); (boieiro);....... i de la çamarra dun chibo, fizo la purmeira gaita de fol que l tiu Zé gaiteiro tubo para ampeçar a tocar.
Esse tiu chamaba-se CELESTINO (CELESTRINO) AUGUSTO DA IGREJA, que era miu pai abó, l pai de miu pai que se chamaba Amadeu, i era armano de José João da Igreja (afamado gaiteiro de Infaiç i amportante referéncia mirandesa.
Júlio Augusto da Igreja
2 comentários:
Caro amigo Júlio Igreja,
Bien benido a este sítio, bós que yá quantá fazeis parte de la sue quadrilha.
Este simpres houmenaige al buosso pai abó, tiu Celestrino i al armano gaiteiro calha bien fondo. Habie de ser baliente esse tiu Celestrino, home sabido, buono i albelidoso.
Quedamos a spera de mais testos, yá que esssas stórias nun se puode p'erder i essa giente nun puode quedar squecida, que todo le debemos.
Un abraço arrochado i até un die destes,
Amadeu Ferreira
Parabienes Cumpadre Júlio!
Pensei que nunca mais te decidies a screbir eiqui nas Froles Mirandesas! Parabienes rapaç.
Rialmente l tou abó era l'home de ls siete oufícios. Grandes homes qu'habie antigamente!
Un abraço bien arrochado,
La tua Comadre Isilda
Enviar um comentário