La Associaçon de Lhéngua Mirandesa bai a ampeçar un nuobo curso de einiciaçon a la lhéngua mirandesa (fala i scrita).
L curso bai a ampeçar ne l die 6 de Janeiro de 2010 i será dado todas las quartas antre las binte i las binte i dues horas, cuntinando até la fin de júnio de l mesmo anho.
L curso bai a ser dado na Oxford School, na Abenida Marqués de Tomar, an Lisboua, tenendo cumo porsores Amadeu Ferreira i Francisco Domingues.
Las anscriçones puoden ser feitas pa la caixa de correio cursomirandes2@gmail.com L númaro de anscritos será lhemitado, de modo a que puoda funcionar bien.
L curso bai a ampeçar ne l die 6 de Janeiro de 2010 i será dado todas las quartas antre las binte i las binte i dues horas, cuntinando até la fin de júnio de l mesmo anho.
L curso bai a ser dado na Oxford School, na Abenida Marqués de Tomar, an Lisboua, tenendo cumo porsores Amadeu Ferreira i Francisco Domingues.
Las anscriçones puoden ser feitas pa la caixa de correio cursomirandes2@gmail.com L númaro de anscritos será lhemitado, de modo a que puoda funcionar bien.
L curso tenerá cumo blogue oufecial http://cursodemirandes.wordpress.com Ende se passará a falar de todo l que antressa al curso, se publicaran testos i se fazerá muita de la quemunicaçon antre ls partecipantes ne l curso.
Cumo siempre, l curso será de grácia.
Pide-se a toda la quadrilha deste blogue l fabor de dibulgar esta ambora.
Amadeu Ferreira
5 comentários:
Diues mos deia buonos dies
Buona einiciatiba, parabienes mais ua beç a bós pul tiempo que çponiblezais, l sfuorço i ampeinho an fabor de la Cultura i la Lhéngua Mirandesa.
Bou a dezir a to l mundo cun quien bote fala i a quien l’Associaçon Cultural i Recreatiba Nial de la Boubielha ten cuntato eiletrónio (Ameil)
Un abraço
Faustino
Buonas nuites, porsor Amadeu.
Ls antigos alunos también puoden frequentar este?
Abraço.
Buonas FIrmino,
Claro que ls antigos alunos tamien puoden anscrebir-se.
Un abraço,
Amadeu
Puosso cunsiderar-me anscrito ó tengo que ambiar l e-mail?
Abraço.
Buonas tardes Firmino,
Yá stás anscrebido, mas manda un email na mesma que ye para quedar cun ls tous dados atualizados.
Abraço,
Amadeu
Enviar um comentário