Mais un die stórico para todos ls Mirandeses, die 2 de Júlio de 2009, 19.00 horas, Fundaçon Mário Soares, Rue de San Bento, eilhi bien acerquita de adonde 10 anhos atrás, ls nuossos repersentantes nacionales fazírun stória al aprobar la Lhéngua Mirandesa cumo la segunda Lhéngua Oufecial de Pertual.
Fundaçon pequeinha para acolher tanta giente que eilhi se çlocou armanados pul mesmo sentimiento i paixon, para cul mesmo oubjetibo dar fuorça, a aquel senhor que desta beç nun apareciu cun aqueilha gorrica que l caraterziou i me quedou na mimória zde la purmeira beç que l bi.
Eilhi acorrírun, stramuntanos, mirandeses i tantos amigos i simpatizantes de la nuossa lhéngua, giente eilustre, persidente de la república, menistros i apaixonados pula nuossa lhéngua mirandesa. Todos botórun çcurso, i de que maneira!
Cumo todos la angrandecírun i mos dórun fuorça para lhuitar por eilha, mos ancentibórun a seguir l camino de l mestre que ancansablemente, cumo que se dun bumbeiro se tratasse, que al lhargo de ls anhos ten acorrido a todos “fuogos” siempre cul sorriso caratelístico cun que yá mos habituou.
Tamien eilhi, quando arrodeado por tantos eilustres amigos, que le quejírun rendir houmenaige al quanto le admiran ampeçou ne l uso de la palabra, fui bisible mais ua beç caratelizado pula sue simplecidade i sabedorie la forma cumo abordou todos ls temas, nun faltando l agradecimiento pormenorizado a todos, i nessa altura, algo se apoderou del, quijo-me parecer que le rebentou la zóia (spresson usada an Caçareilhos) era la eimoçon de l mestre lhenguista, studioso i porsor que por segundos se apoderou del.
Nun sou lhetrado, nin bocacionado para scritor, mas quiero desta forma, mui simples, sin qualquier baidade, rendir al grande mestre la mie houmenaige, cula dibulgaçon destes bídeos i retratos ne l Blogue de todos nós Froles Mirandesas.
Al ancerrar la cerimónia, inda tubo çponibilidade que dedicou als amigos outografando ls lhibros i que cumo nun podie deixar de ser ua cerimónia destas, fúrun outografados al sonido de la nuossa cultura mais genuína, al sonido de la banda de gaiteiros de la Associaçon de la Lhéngua Mirandesa que ancantórun todos ls persentes.
Pena fui que nun tubisse habido spácio para la atuaçon de l grupo de pauliteiros de la mesma associaçon. Quedará para ua próssima beç! Pus stou cierto que anquanto dius mos dir salude, todo fazeremos para que la nuossa lhéngua mai nun pare de crecer i arranjar nuobos fans.
Fuorça grande Amadeu Ferreira! Pa la frente ye que ye l camino! Cunta cun todos nós.
Un abraço bien apertado.
José Bintura.
Fundaçon pequeinha para acolher tanta giente que eilhi se çlocou armanados pul mesmo sentimiento i paixon, para cul mesmo oubjetibo dar fuorça, a aquel senhor que desta beç nun apareciu cun aqueilha gorrica que l caraterziou i me quedou na mimória zde la purmeira beç que l bi.
Eilhi acorrírun, stramuntanos, mirandeses i tantos amigos i simpatizantes de la nuossa lhéngua, giente eilustre, persidente de la república, menistros i apaixonados pula nuossa lhéngua mirandesa. Todos botórun çcurso, i de que maneira!
Cumo todos la angrandecírun i mos dórun fuorça para lhuitar por eilha, mos ancentibórun a seguir l camino de l mestre que ancansablemente, cumo que se dun bumbeiro se tratasse, que al lhargo de ls anhos ten acorrido a todos “fuogos” siempre cul sorriso caratelístico cun que yá mos habituou.
Tamien eilhi, quando arrodeado por tantos eilustres amigos, que le quejírun rendir houmenaige al quanto le admiran ampeçou ne l uso de la palabra, fui bisible mais ua beç caratelizado pula sue simplecidade i sabedorie la forma cumo abordou todos ls temas, nun faltando l agradecimiento pormenorizado a todos, i nessa altura, algo se apoderou del, quijo-me parecer que le rebentou la zóia (spresson usada an Caçareilhos) era la eimoçon de l mestre lhenguista, studioso i porsor que por segundos se apoderou del.
Nun sou lhetrado, nin bocacionado para scritor, mas quiero desta forma, mui simples, sin qualquier baidade, rendir al grande mestre la mie houmenaige, cula dibulgaçon destes bídeos i retratos ne l Blogue de todos nós Froles Mirandesas.
Al ancerrar la cerimónia, inda tubo çponibilidade que dedicou als amigos outografando ls lhibros i que cumo nun podie deixar de ser ua cerimónia destas, fúrun outografados al sonido de la nuossa cultura mais genuína, al sonido de la banda de gaiteiros de la Associaçon de la Lhéngua Mirandesa que ancantórun todos ls persentes.
Pena fui que nun tubisse habido spácio para la atuaçon de l grupo de pauliteiros de la mesma associaçon. Quedará para ua próssima beç! Pus stou cierto que anquanto dius mos dir salude, todo fazeremos para que la nuossa lhéngua mai nun pare de crecer i arranjar nuobos fans.
Fuorça grande Amadeu Ferreira! Pa la frente ye que ye l camino! Cunta cun todos nós.
Un abraço bien apertado.
José Bintura.
Sem comentários:
Enviar um comentário