Era ua nina

Era ua nina
que benie dun mundo
que nun tenie sol:

quando chegou

i se staba a çponer,
botou-se lhougo a correr,
atrás daquel burmeilho caliente,
para saber se era naciente
dalgun fuogo, chama ardiente.

Antes de chegar,
ancomeçou a zbotar
la lhuç que dantes tenie,
quando quei yá nun bie
i tubo que se deitar.

Drumiu tapada

cun un eidredon
de cielo strelhado
i quando spertou
ye que reparou
que la lhuç benie

de l outro lhado.

A dreitos a la lhuç
botou-se a correr
i quanto mais eilha corrie,
mais la lhuç chubie.

Quando yá cansada,

la nina reparou
que la lhuç se fastaba:

anrabiada,

sintou-se un cachico
i quando mirou,
la lhuç yá era
outra beç lhumico.

Que cousa será esta,
pensou curjidosa,
mas quando ls uolhos abriu,
biu que staba,

na Speciosa.