Miu armanico Jorge muorriu-se inda íba a cumpletar dous anhos de bida.
I you ataba meia dúzia sobrando alguns meses, dezírun que fui de papeira, maleita que atacaba ls ninos i que par’eilha nun habie cura (para mal de ls sous pecados qu’inda nun ls tenie nun la houbo), cun cura i sien cura alhá se fui pa ls anjicos.
Reboltei-me, anraibei-me i que sei you mais l que fiç, todos nós, nun fusse el l nuosso ninico, l ninico de to las rapazas, parientes, bezinas, de braços an braços solo l deixában queto quando drumie, este querer tan bien, até mie mai quedaba cun miedo que lo stragássen de mimos.
La sue redadeira apariçon fui cumo filho de la Reina, ne l quelóquio “Ls Siete Pares de Fráncia” que fazírun ls de Zenízio nas eiras (quelóquio mui afamado).
Çpuis tomou-se de sudores frius por bias daqueilha maldita maleita, ampeçou a çfenhar, i an pouco tiempo mos deixou, cun el lhebou un bun cacho de todos nós mas mais de mie mai, triste porque perdiu l redadeiro filho que habie trazido al mundo.
De coraçon çtroçado i sien animo fazie de las fraquezas fuorças para l squecer, cumo se ua mai algua beç podira squecer aqueilho que gerou andrentro de sou bentre, agarraba-se a todo para tener l ninico que la maldita le habie tirado, por muito tiempo amouchou-se cul lhenço negro que puxaba bien pa la cara para scunder las lhágrimas que anxugaba culas puontas.
L cielo agora ten mais un anjico, deixaba scapar estas palabras cumo cunfuorto. Jorge l ninico de mie mai, l sou ninico, l ninico de todos, aquel ninico abençonado que habie trazido tanta alegrie, aquel ninico que habie antrado na nuossa casa cumo centeilha de sol que antra pur ua frincha, pur qual mie mai habie dado tantas gráçias al Sprito Santo, a la Birge Marie pur benir sano i scorreito, era agora fuonte de delores i pison pa la sue alma.
Dius lo daba Dius lo tiraba.
Cumo ua Madalena puosta neste mundo para sufrir habie de arrancar fuorças nien que beníssen de las antranhas para bencir mais ua beç. Tenie ls outros filhos mas esso nun era nien nunca serie rezon de sobra para tamien nun tener l sou ninico Jorge.
Para todo i para todos ousou siempre la spresson de “l miu ninico” spresson que me quedou na mimória para siempre, dezida an mirandés até parece que ten mais fuorça, sona melhor i ten mais sabor. Mas l amar i l querer bien i muito nun ten haber cumo se diç nien fai mas si cula grandura de l coraçon, dezido cumo agora ou cumo dantes.
Solo quien puode ancuntrar çfrenças ye quien nunca fui mai ou pai.
I you ataba meia dúzia sobrando alguns meses, dezírun que fui de papeira, maleita que atacaba ls ninos i que par’eilha nun habie cura (para mal de ls sous pecados qu’inda nun ls tenie nun la houbo), cun cura i sien cura alhá se fui pa ls anjicos.
Reboltei-me, anraibei-me i que sei you mais l que fiç, todos nós, nun fusse el l nuosso ninico, l ninico de to las rapazas, parientes, bezinas, de braços an braços solo l deixában queto quando drumie, este querer tan bien, até mie mai quedaba cun miedo que lo stragássen de mimos.
La sue redadeira apariçon fui cumo filho de la Reina, ne l quelóquio “Ls Siete Pares de Fráncia” que fazírun ls de Zenízio nas eiras (quelóquio mui afamado).
Çpuis tomou-se de sudores frius por bias daqueilha maldita maleita, ampeçou a çfenhar, i an pouco tiempo mos deixou, cun el lhebou un bun cacho de todos nós mas mais de mie mai, triste porque perdiu l redadeiro filho que habie trazido al mundo.
De coraçon çtroçado i sien animo fazie de las fraquezas fuorças para l squecer, cumo se ua mai algua beç podira squecer aqueilho que gerou andrentro de sou bentre, agarraba-se a todo para tener l ninico que la maldita le habie tirado, por muito tiempo amouchou-se cul lhenço negro que puxaba bien pa la cara para scunder las lhágrimas que anxugaba culas puontas.
L cielo agora ten mais un anjico, deixaba scapar estas palabras cumo cunfuorto. Jorge l ninico de mie mai, l sou ninico, l ninico de todos, aquel ninico abençonado que habie trazido tanta alegrie, aquel ninico que habie antrado na nuossa casa cumo centeilha de sol que antra pur ua frincha, pur qual mie mai habie dado tantas gráçias al Sprito Santo, a la Birge Marie pur benir sano i scorreito, era agora fuonte de delores i pison pa la sue alma.
Dius lo daba Dius lo tiraba.
Cumo ua Madalena puosta neste mundo para sufrir habie de arrancar fuorças nien que beníssen de las antranhas para bencir mais ua beç. Tenie ls outros filhos mas esso nun era nien nunca serie rezon de sobra para tamien nun tener l sou ninico Jorge.
Para todo i para todos ousou siempre la spresson de “l miu ninico” spresson que me quedou na mimória para siempre, dezida an mirandés até parece que ten mais fuorça, sona melhor i ten mais sabor. Mas l amar i l querer bien i muito nun ten haber cumo se diç nien fai mas si cula grandura de l coraçon, dezido cumo agora ou cumo dantes.
Ne ls dies d’hoije ye questume dezir “l miu filhote, la mie filhota”, nun me gusta tanto la spresson, mas nun ye por esso que pongo dúbedas que áman tanto cumo amou mie mai l miu armanico Jorge que se fui de temprano mas quedou siempre cun nós.
Solo quien puode ancuntrar çfrenças ye quien nunca fui mai ou pai.
1 comentário:
Buonas tardes Faustino,
Guapa houmenaije que faziste de l tou armanico Jorge ''L Ninico''. You inda me lhembro de l toque de las campanas i de las pessonas a dezir que habie mais un anjico.
UN abraço,
Francisco
Enviar um comentário