"Cumo se custípan ls namorados de Peynet"
Yá faç cinco dies i dezir que naide se alhembrou de amentar ou mesmo de celebrar San Balantin neste sítio! Nun se puode dezir outra cousa: ye un sacrileijo !
De la França adonde moro, nunca faltaran eimages por eisemplo para l celebrar bien celebrado l San Balantin! I este anho, mais ua beç, cumo l anho atrasado, deixo aqui zeinhos de Raymond Peynet que naciu an Paris an 1908 i que se morriu faç dieç anhos ne l die 14 de Janeiro… un més antes de l San Balantin percisamente. Ye l criador de ls «namorados de Peynet» (Les amoureux de Peynet), essas dues personaiges tan románticas que aparécen nestas graburas que deixo aqui tamien astanho. Nun sei se todos se alhémbran de you dezir yá l anho atrasado que eisiste, an Heiroshima, ne l Japon, ua státua adonde stan repersentados estes dous namorados de Peynet…
I na cidade de Valence, ne l Sul de la França, até dan un Diploma d’Amor tamien eilustrado por Peynet. Todos stais abisados! I nestas cousas, quien ye que puode chumbar, dezi-me ?
Ah, inda me iba squecendo... Todos ls zeinhos de Peynet que bos amostro son mui recomendables i angraciados até. Mas nun bos anganheis! L artista fui capaç de ir un cachico mais loinge…! Mas nun digo mais.
Mas quien, quien serie capaç de cometer tamien l sacrileijo de l cinsurar esse poeta de l'eilustraçon? You?
You nó!
Ah, inda me iba squecendo... Todos ls zeinhos de Peynet que bos amostro son mui recomendables i angraciados até. Mas nun bos anganheis! L artista fui capaç de ir un cachico mais loinge…! Mas nun digo mais.
Mas quien, quien serie capaç de cometer tamien l sacrileijo de l cinsurar esse poeta de l'eilustraçon? You?
You nó!
P.S. Pa l anho que ben, se todos tubirmos salude, hei-de bos amostrar mais eimages para celebrar San Balantin. Eimages destas tierras i destas gientes de França... mas siempre, siempre, recomendables !
3 comentários:
Buonas nuites Ana,
Acradita que staba mesmo a spera que mos falasses de l San Balantin i de Peynet, cumo l outranho. Ende yá mos habies dezido de Heiroshima i poniste bárias pinturas de Peynet, que you chamei de guapas, antressantes i redículas, tal i qual cumo ls namorados i las cartas de amor, cumo dezie Fernando Pessoa.
Agora stá todo bien. I assi yá se bai criando la tradiçon de que sós tu, eiqui ne l blogue, a falar ne l San Balantin. De todos nós, cuido que sós la mais coincedora de Peynet i el quadra bien cun esta era de l San Balantin.
Bien haias por esso.
Quero a spera de l próssimo.
Abraço,
Amadeu
Amiga Ana:
Gustei muito de ls zeinhos de Peynet, que me fazieran relhembrar l die de San Balantin de 14 de Febereiro de 1984, que passei na América (Fort Lee, Virginia West). Nessa manhana, quando abri la caixa de correio ancuontrei 3 lindos postales, un deilhes cun l segundo zeinho que tu eiqui poniste, que me deixoran anturbiado.
Gustei inda mais deste cachico de l tou testo “I na cidade de Valence até dan un Diploma d’Amor tamien eilustrado por Peynet. Todos stais abisados ! I nestas cousas, quien ye que puode chumbar, dezi-me ?”.
You siempre gustei de Amor, de l studar, de l praticar, mas penso, que chumbaba. Trago comigo três frases de amor, que nun sei quien fui l outor, i que te bou rebelar, porque me tenan ajudado a ser mais feliç i tamien penso que cuntribuiran pa la tu felicidade:
“La medida de l amor ye amar sien medida”;
“Amar ye la melhor splicaçon que te puodo dar”;
“Fai todo por amor i nada contra l amor”.
Un abraço,
Leonardo.
Abraços para ls dous.
Depuis digo-bos mais cousas mas purmeiro bou-me a ber la niebe ne ls Pirinéus.
Bien haia a Amadeu que cuntina a corrigir ls erros que inda fago: sacrileijo, percisamente... !
Enviar um comentário