Cumbibindo eiqui stamos chenos d'alegrie
Ounidos por ua amisade i amor berdadeiro
Quijo Nuossa Senhora de las Candeias
Que siempre assi fusse l die “Dous de Febreiro”
La celebracion de l “Dous de Febreiro”
Ye mi belhica, ben datrás de la Stória
Mas siempre l pobo de Zenízio lo celebrou
Eibocando esta Senhora i sue glória
Nós acá (Lisboua), ls nuossos parientes an nuossa aldé
Lhigados a eilhes por fuortes lhaços
Cumo s'atados stubíssemos cun garanheiras
Para todos eilhes, deiqui bai un bornal d'abraços
Esta fiesta de tamanha nomeada
Era die de comer lhombo, chouriços i botielhos,
Que you saba habie poucos dies assi
Que anchíssen de tanta proua ls boubielhos
Neste die an Zenízio siempre fui tradiçon
Chamar, quando l baile paraba,
Ls moços i moças de fuora a casa cenar
Era l modo de la mocidade festejar
Esses géstios afeiçonában para toda la bida
Cumo hoije tamien eiqui tenemos amigos
Que muito mos honra la sue perséncia
Beni siempre, i çculpai-mos esta queménencia.
Nuossa Senhora de las Cadeias nun mos perdonaba
Sue nomeada ye coincida pul mundo anteiro
Se l sou die nun fur passado antre amigos
Nien l sprito de l “Dous de Febreiro” serie berdadeiro
3 comentários:
Buonos dies Faustino,
Guapos bersos subre l dous de Febreiro i la Senhora de las Candeias.
Parabienes i que la Senhora de las Candeias te conserbe essa bena que tenes para ambersar.
Buonas tardes tamien para ti Francisco
I a ti que tamien nunca te falte essa gana de trabalhar.
Un abraço
Amigo Faustino,
Mais ua beç ls mius mais sinceros parabienes por tan lindos bersos a Nuossa Senhora de las Candenas ia la nuossa fiesta de l die “Dous de Febreiro”.
Tal cuomo Francisco, fazieste an bersos ua buona scriçon de esta nuossa fiesta.
Bersos cuomo estes deixam todos ls zenizienses cun l’alma caliente i chenos de proua.
Un abraço.
Leonardo
Enviar um comentário