"Pensando"
Andube pensando,
Pensando pensamientos lebes,
Tan lebes i çpercebidos...
Aparecéncias neçairas,
Andube pensando sonoridades
Palabras guapas,
Sonidos delicados
Sabores ouditibos!
Andube criando,
Bordando letras redondas
Cun dourados de nubres,
Culs azules de l mar,
Cul brilho de las streilhas
De la nuite que nun bai a tardar...
S:)
"Pensando"
Andei pensando
Pensando pensamentos leves,
Tão leves e despercebidos...
Parecenças necessárias,
Andei pensando sonoridades
Palavras bonitas,
Sons delicados
Sabores auditivos!
Andei criando,
Bordando letras redondas,
Com dourados de nuvens,
Com azuis do mar,
Com o brilho das estrelas
Da noite que não vai tardar ...
S:)
5 comentários:
Que cousa guapa!
Son estas, tamien, froles mirandesas.
Declaraçon pública de amor:
Cunceiçon, adoro ls tous bersos.
De l pouco que yá publiqueste eiqui, nun tengo dúbedas an dezir que reperséntan ua de mais finas sensiblidades poéticas de la lhéngua mirandesa.
Pronto, yá dixe. Agora amanha-te cumo podires ou faç trato culas tues musas, mas nun puodes faltar, que siempre haberá muita giente a spera de ls tous bersos.
Buonas nuites i un abraço,
Amadeu
Oulá Sacacição
Nun pudie deixar de poner eiqui l que penso subre ua poesie que ye dua sensibilidade tocante na fuorma cumo lhida cul las palabras, agarrando-las pulas punticas cumo quin ten miedo de le de stragar algo imaculado. Si me agrada muito cumo abordas las cousas, amprestando-le l suonho que bonda para sorrir.
Parabienes i bulta brebe
Válter
Porsor Almendra,Porsor Amadeu i sr.Valtér,oubrigada pulas buossas palabras,até quedo sien jeito mas cuntenta:)
Buonos dies Cunceiçon,
Nun tengo l prazer de te coincer, mas parabienes por tan guapa poesie. Ye sien dúbeda de ua sensiblidade mui fuorte, cuntina siempre a fazer guapas poesies an mirandés.
Un abraço,
Francisco Domingues
Enviar um comentário