(eimaige sacada de l blogue Irmão Lúcia de Pedro Vieira)
Cunsante li hoije an bários blogues, trés agentes de la PSP de Braga antrórun nua feira de lhibros an saldo i sacórun dalhá bários eisemplares dun lhibro subre Stória de Arte. Porquei? En la cápia, staba l quadro L’Origine du Monde, de Goustave Courbet (stá agora spuosto an Paris, ne l Museu d’ Orsay), que amostra ls quartos i l sexo dua mulhier. Pintado an 1886, foi un choque para aquel tiempo i parace que l cuntina a ser.
Pa ls eidiotas de la PSP de Braga, fúrun cunsidrados lhibros de pornografie. Será que lhebórun ls lhibros de la feira para ls podéren ber melhor na squadra ó an casa? Ó será que tubírun un ataque súbito de puritanismo? You nun sei, mas cuido que nun debien de deixar qualquiera stúpido antrar pa la polícia. Todos ls agentes debien de coincer, pul menos, ls cunceitos de Democracie i de Stado de Direito. Mas esso sou you. Hai claramente quien nun pense assi.
6 comentários:
Buonas nuites
Á Fir, i quien serien las cabeças de lampión na tiessta que "oubrigórun" la polícia a fazer esso? Algun que tenie poder de manipular essa mesma polícia, ou más do que un ... digo iou de cor. Ende stá l peligro de reçucitar l lápeç azul.
I inda pongo outra questión: mangina tu essa giente cul poder nas manos ... ui ui.
Abraço
nas nuites,
You acho que essa gente ye toda bouba, que nada de l que fázen ten sentido, i nun ye perciso tener grande cachimónia para ber esso.
Mesmo que nun téngan nada que fazer essa nun ye ua buona maneira de apersentar serbício.
Cuido que delantre desso solo hai ua atitude possible: malhar neilhes, i an quien neilhes manda i ls manda, fuorte i feio até botar chiçpas.
Abraço,
Amadeu
Buonas nuites, ah Fir!
Mira: i tu purcata-te! You sendo tu, nun me ponie a boziar eiqui tan alto!
Eilhes ándan ende!
L tou scrito fizo-me lhembrar este cachico:
"Dos déspotas provêm, até certo ponto, os pensadores. A palavra acorrentada é terrível. O escritor duplica e triplica o seu estilo, quando um senhor impõe silêncio ao povo" V. Hugo
Bamos zopilando ls fígados anquanto mos déixan!
Un abraço
Quien nun se lhembra de l site de la "poucabergonha"? Cumo diç Tortulhas, tamien eiqui hai giente dessa.
Hai que tener fuorça para lhutar, mas acontra toda la spécie de censura.
Nun hai dreita nin squierda, son eilhes, ls bampiros çfarçados de pardal.
Ampéçan a matar las cuncéncias i acában matando giente.
Abraço
Bán acuntecendo destas cousas que só amostran la pobreza cultural i de saber dun pobo.Tamien you iá tube dous quadros que furan censurados i tirados de la exposiçon. Estan no blog cun l nome "Censurados". Ua miséria!
Beisicos
Adelaide
Enviar um comentário