Ne l museu, l znudo stá spuosto
Partes a béren-se… naide bira l oulhar
Ninos ambáien-se…
Son de sue mai, las partes
Ye apuis, Ye arte!… Puoden mirar
Panho, piedra, madeira i outros tales
Asparécen-se a bibos, quaije eiguales
Ye arte… puoden quedar
Adonde stá la çfrença?
Anté me ambasbaco
I penso que ye…
Ne l que bei l retrato
Ten calhos nos punhos
I nuolos no peito a sangrar
De tanto bater, de tanto rezar
Antolerante i aculto…
Bei-lo a pecar!...
Subscrever:
Enviar feedback (Atom)
2 comentários:
Si Adelaide, ye ne ls uolhos que stá la maldade. Ne ls uolhos i nel cérebro.
Quien nun sabe aperciar un cuorpo znudo, seia home seia mulher?
Mesmo la giente de las nuossas aldés gústan de ber ls ninos i mirar para pechico deilhes.
Son la giente malina que cuida que cumo eilhes son, son l outros.
Yá quarenta anhos que you na scuola splicaba als garotos las çfréncias antre ninios i ninas.
La maldade staba ne ls ricos, ne ls ninos de bien i inda hoije assi ye.
Se muitos íban a scuola cun las calças rachadas ne l culo i rotos, cun pechico al léu. Tenien friu i nó maldade.
Deixa la Eigreija an paç i ls que báten ne l peito, que esses nun son de ls piores.
Bá un abraço
You nun tengo nada contra ls que batan no peito; se nun batissen inda serien piores. Iá you tube uas obras cinçuradas i sei que quien las tirou fui ua tie que batie muito no peito i cuja conduta nun fui de acordo cun tantos bateres. Parece-me tamien no causo de Braga partirá deilhi, ambora isso nun seia la cundiçon única. Ie la tacanheç i eignorancia, que pon a falar ciertas personas, i que cun l fanatismo religioso que tenan, inda fican mais eignorantes, bendo cun ua pala de cada lhado.
You sou católica, mas mui crítica de muitas cousas de la eigreija.Mas sou católica i percuro que las mies açones seiam de acordo cun princípios de justícia i humanidade como mandaba Jesus Cristo, que muito admiro.
Nun t anraibes i beias antolerância relijosas na generalidade. Cinjo-me a casos específicos e pontuales.
Beisicos, Almendra,
Adelaide
Enviar um comentário