Respundendo al cumbite de la nuossa amiga Ana, eiqui bou a botar alguns retraticos relacionados cun botielhos i puosta mirandesa. Fúrun sacados hai alguns anhos atrás quando la Cámara de Bumioso inda tenie denheiro para fazer fiestas guapas culs ancontros de gaiteiros. Estas refíren- se al anho de 2003 ne l III ancontro de gaiteiros de l Praino Mirandés. Nestes retraticos se béien ls potes i greilhas que cozien ls botielhos i assában la puosta para duzientas pessonas cumo fui l causo. Todo l que ye buono acaba, i ls nuossos gobernos, cuntínan teimosamente a squecer l ambestimiento nesta cultura popular tan riquíssima cumo ye la nuossa.
2 comentários:
Buonas nuites Amigo Jesé,
Puis you acho toda essa quantidade de greilhas i de panelas de fierro un spetáculo ! Sabendo tamien que ye an Palaçuolo precisamente que hai artistas capazes de fabricar greilhas i tanazes cumo naide. Anganho-me ?
Bien haia por estes retratos que amóstran bien todo l antresse cultural i gastronómico que puode haber se furmos capazes de preserbar todas essas tradiçones i dá-las a cunhecer tamien a las nuobas giraçones.
Buonas nuites Jesé Bentura,
Cun aqueilha potada toda que pones ne ls retratos, daba para guisar dua beç, l bui que ls Mondragones tenien datrás. Claro que darien tamien para cozer muitos botielhos.
Un abraço,
Francisco Domingues
Enviar um comentário