Ls Zenizienses, sous decendientes i amigos a bibir an Lisboua i alredores stubírun hoije, die 8 de Febreiro, mais ua beç armanados ne l sprito de pertença, de ounion, de partilha i amisade a comemorar la fiesta de la Senhora de las Candeias. Este die cuntina a ser pa ls zenizienses l retornar a las ouriges i a lhembrar l die de fiesta que siempre acuntecie ne l die dous de Febreiro adonde nun faltaba l grande lhume de cepos apanhados culs carros de bacas pul mardomo i pula mocidade.
L Nial de la Boubielha ye ua Associaçon Cultural i Recreatiba a la buolta de la qual ls zenizienses a bibir an Lisboua i alredores se bénen ajuntado zde 1 de Nobembre de 1975. An Agosto de 1999, fui tornada oufecial por scritura pública feita an mirandés ne l cartório de Miranda de l Douro. L’ Associaçon ten benido a comemorar este die zde hai muitos anhos atrás i a fazer la fiesta na Marge Sul de Lisboua, adonde bibe la maiorie de ls zenizienses. Astanho i cumo tamien yá ben sendo questumado alguas de las pessonas ampeçórun a chegar a l’ Eigreija Paroquial de Bal de Figueira, acerca de meidie para fazer mais un ansaio de ls cánticos pa la missa i para cumbersar un pouco culs amigos. Apuis fúrun chegando las outras pessonas i antes de las 12.30 horas yá alhá stában arrimado a setenta pessonas prontas para assistir a la celebraçon de la missa pul Sr. Padre i amigo António Morais natural de Bilachana.
La missa an mimória de todos ls que yá mos deixórun fui dezida an mirandés pul sr. padre António, assi cumo las lheituras. Ls cánticos fúrun cantados an pertués i an mirandés, acumpanhados a la biuola por Isabel Serras, António Feleç i Carlos Vaqueiro. Na sue prática, l sr. Padre António Morais çtacou l papel de l’ amisade i de la lhéngua mirandesa que la maiorie de nós daprandiu an pequeinhos. Amisade que faç cun que la familha zeniziense eiqui steia reunida mais ua beç, ounida na alegrie i ne l amor de Cristo para comemorar la fiesta de la Srª de las Candeias.
Claro que la parte spritual cuntina a ser amportante pa la maiorie de ls zenizienses i amigos, mas cumo las pessonas son un todo, nun quedarien completas se nun tubíssen an die de fiesta un bun almuorço i l cumbíbio culs amigos.
Assi, çpuis de la missa la fiesta cuntinou ne l restourante Manjares de la Quinta. Ende la familha zeniziense saboreou l bacalhau à Manjares de la Quinta, seguido de un torradeiro ou lhariego. Para acabar nun podien faltar ls doces i la fruita. Todo isto acumpanhado por bino, cerbeija, auga, çumo i café. Al almuorço nun faltórun las cumbersas an mirandés que lhougo mos lhebórun pa l eimaginairo de la nuossa anfáncia i de la mocidade, lhembrando ls bailes i ls namoricos que quaijeque siempre acuntecien ne ls dies de fiesta. Fúrun tamien sendo passados bídeos de Faustino Antão subre l Nacimiento de ua Maçcara por Amable Antão i ls Rituales de l Eimbierno cun Maçcaras an Bempuosta, Ouzelhon i Barge. Apuis de la sobremesa i de l café Isidro Miguel i Nelson Martins animórun las pessonas cun las sues cuncertinas i claro que muitas deilhas ampeçórun lhougo a beilar lhembrando ls bielhos tiempos de fiesta an Zenízio.
L tiempo fui passando i la hora de l’ Assemblé Giral de l Nial de la Boubielha depriessa chegou. Assi, l persidende de l’ Assemblé Valter Deusdado, apuis de saludar i agradecer a todos ls associados persentes dou einício als trabalhos, ampeçando pul purmeiro punto de la orde de trabalhos adonde fúrun aprobados l relatório i cuntas de l anho passado apersentado pula direçon, assi cumo l parcer de l Cunseilho Fiscal i tamien la perpuosta de atebidades i l sou orçamiento pa l anho de 2009. L’ Assemblé decediu inda cuntinar l site de l Nial i aumentar la sue capacidade, yá que la atual yá se sgotou.
L’ assemblé aprobou un boto de cungrutulaçon al sócio i administrador de l site nialdelaboubielha.org, pul bun trabalho que este sócio ten benido a fazer.
Fúrun inda dadas anformaçones subre las datas i locales adonde las palhestras de mirandés de 2009 se ban realizar.
Stá de parabienes la direçon de l Nial de la Boubielha, assi cumo ls outros uorganos sociales por mais este die de fiesta i tamien todos ls zenizienses i amigos que dun ou doutro modo dórun l sou cuntributo para que la familha zeniziense tubisse salido deiqui mais ounida, mais rica, mais solidária i cada beç mais lhiada a la lhéngua que mos biu nacer i que la maiorie de nós daprandiu cumo purmeira i la falou durante muitos anhos.
Un bien haia al Sr. Padre i amigo António Morais por mais ua beç tener stado antre nós neste die de fiesta que tamien yá ye del.
Un bien haia a Isabel Serras pula sue çponiblidade para ansaiar ls cánticos.
Un bien haia a todos ls que stubírun nesta fiesta i an special als amigos i tornai siempre.
Un bien haia als administradores de l site nialdelaboubielha.org pul muito trabalho que ténen feito an prol de la dibulgaçon de la lhéngua mirandesa i de l Nial de la Boubielha.
An último, un bien haia a todos ls membros de ls uorganos sociales i an special a la direçon pul trabalho i dedicaçon a esta causa que ye de todos ls Boubielhos.
Francisco Domingues
L Nial de la Boubielha ye ua Associaçon Cultural i Recreatiba a la buolta de la qual ls zenizienses a bibir an Lisboua i alredores se bénen ajuntado zde 1 de Nobembre de 1975. An Agosto de 1999, fui tornada oufecial por scritura pública feita an mirandés ne l cartório de Miranda de l Douro. L’ Associaçon ten benido a comemorar este die zde hai muitos anhos atrás i a fazer la fiesta na Marge Sul de Lisboua, adonde bibe la maiorie de ls zenizienses. Astanho i cumo tamien yá ben sendo questumado alguas de las pessonas ampeçórun a chegar a l’ Eigreija Paroquial de Bal de Figueira, acerca de meidie para fazer mais un ansaio de ls cánticos pa la missa i para cumbersar un pouco culs amigos. Apuis fúrun chegando las outras pessonas i antes de las 12.30 horas yá alhá stában arrimado a setenta pessonas prontas para assistir a la celebraçon de la missa pul Sr. Padre i amigo António Morais natural de Bilachana.
La missa an mimória de todos ls que yá mos deixórun fui dezida an mirandés pul sr. padre António, assi cumo las lheituras. Ls cánticos fúrun cantados an pertués i an mirandés, acumpanhados a la biuola por Isabel Serras, António Feleç i Carlos Vaqueiro. Na sue prática, l sr. Padre António Morais çtacou l papel de l’ amisade i de la lhéngua mirandesa que la maiorie de nós daprandiu an pequeinhos. Amisade que faç cun que la familha zeniziense eiqui steia reunida mais ua beç, ounida na alegrie i ne l amor de Cristo para comemorar la fiesta de la Srª de las Candeias.
Claro que la parte spritual cuntina a ser amportante pa la maiorie de ls zenizienses i amigos, mas cumo las pessonas son un todo, nun quedarien completas se nun tubíssen an die de fiesta un bun almuorço i l cumbíbio culs amigos.
Assi, çpuis de la missa la fiesta cuntinou ne l restourante Manjares de la Quinta. Ende la familha zeniziense saboreou l bacalhau à Manjares de la Quinta, seguido de un torradeiro ou lhariego. Para acabar nun podien faltar ls doces i la fruita. Todo isto acumpanhado por bino, cerbeija, auga, çumo i café. Al almuorço nun faltórun las cumbersas an mirandés que lhougo mos lhebórun pa l eimaginairo de la nuossa anfáncia i de la mocidade, lhembrando ls bailes i ls namoricos que quaijeque siempre acuntecien ne ls dies de fiesta. Fúrun tamien sendo passados bídeos de Faustino Antão subre l Nacimiento de ua Maçcara por Amable Antão i ls Rituales de l Eimbierno cun Maçcaras an Bempuosta, Ouzelhon i Barge. Apuis de la sobremesa i de l café Isidro Miguel i Nelson Martins animórun las pessonas cun las sues cuncertinas i claro que muitas deilhas ampeçórun lhougo a beilar lhembrando ls bielhos tiempos de fiesta an Zenízio.
L tiempo fui passando i la hora de l’ Assemblé Giral de l Nial de la Boubielha depriessa chegou. Assi, l persidende de l’ Assemblé Valter Deusdado, apuis de saludar i agradecer a todos ls associados persentes dou einício als trabalhos, ampeçando pul purmeiro punto de la orde de trabalhos adonde fúrun aprobados l relatório i cuntas de l anho passado apersentado pula direçon, assi cumo l parcer de l Cunseilho Fiscal i tamien la perpuosta de atebidades i l sou orçamiento pa l anho de 2009. L’ Assemblé decediu inda cuntinar l site de l Nial i aumentar la sue capacidade, yá que la atual yá se sgotou.
L’ assemblé aprobou un boto de cungrutulaçon al sócio i administrador de l site nialdelaboubielha.org, pul bun trabalho que este sócio ten benido a fazer.
Fúrun inda dadas anformaçones subre las datas i locales adonde las palhestras de mirandés de 2009 se ban realizar.
Stá de parabienes la direçon de l Nial de la Boubielha, assi cumo ls outros uorganos sociales por mais este die de fiesta i tamien todos ls zenizienses i amigos que dun ou doutro modo dórun l sou cuntributo para que la familha zeniziense tubisse salido deiqui mais ounida, mais rica, mais solidária i cada beç mais lhiada a la lhéngua que mos biu nacer i que la maiorie de nós daprandiu cumo purmeira i la falou durante muitos anhos.
Un bien haia al Sr. Padre i amigo António Morais por mais ua beç tener stado antre nós neste die de fiesta que tamien yá ye del.
Un bien haia a Isabel Serras pula sue çponiblidade para ansaiar ls cánticos.
Un bien haia a todos ls que stubírun nesta fiesta i an special als amigos i tornai siempre.
Un bien haia als administradores de l site nialdelaboubielha.org pul muito trabalho que ténen feito an prol de la dibulgaçon de la lhéngua mirandesa i de l Nial de la Boubielha.
An último, un bien haia a todos ls membros de ls uorganos sociales i an special a la direçon pul trabalho i dedicaçon a esta causa que ye de todos ls Boubielhos.
Francisco Domingues
4 comentários:
Amigo Francisco,
Fazieste ua buona scriçon de esta nuossa fiesta de la Senhora de las Candeias. Santi muita proua an tener aparcido tanta giente, cierca de 70 personas.
Oubi este comantário, “ye un de ls mais mais amportantes cumbíbios de ls mirandeses neste tiempo de Einbierno”.
Santi muita proua an tenermos recebido la anscriçon de la associada numero 101, Profª Inês Porto, descendente de Sendim.
Santi muita proua an oubir que “la buossa Associaçon Nial de la Boubielha stá de parabienes por tornar esta missa nua fuorte manifestaçon de lhéngua mirandesa, cun todas las lheituras lidas na nuossa querida lhéngua, (cousa única an Eigreijas portuesas)”. Cun estas palabras, santi, ne l fundo de l coraçon, que la Lhéngua Mirandesa era la maior i melhor hardáncia que nós hardemos de ls nuossos antepassados.
La nuossa Associaçon Nial de la Boubielha stá de parabienes por tornar este almuorço nun de ls mais amportantes meios de criar i mantener lhaços de amizade, cun música, cun baile, i cun muita çcuçon na Assembleia Giral, que ye ua auténtica scuola de Democracie, para çcutir i aprobar las propuostas feitas puls associados i para criar ua mais fuorte lhigaçon antre ls zenizienses i ls que se ban juntando a nós.
Parabiens a todos ls que cuntribuiran para la feitura desta fiesta, que mos deixa chenos de proua i que mos ajuda a cuntinuar a cantar “Biba Zenízio, tierra sien par, yes un cantico lindo, lindo d’ancantar”.
Este testo merece ser publicado ne l nuosso Site nialdelaboubielha.org.
Un abraço, para ti, para todos ls associados persentes i, an special, para ls membros de ls Uorganos Sociales la L’Associaçon.
Leonardo Antão
Dou-bos ls parabienes zenizienses por serdes tan ounidos i por serdes capazes de mesmo stando longe de la nuossa querida tierra nun bos squecerdes de la lhengua i de las tradiçones.
Solo ye pena que nun seia mais partecipada, pus ende en Lisboua i al redor biben muitas centenas de mirandeses.
Yá agora deixo um beijico a la associada 101 por quien tengo muito apreço.
Dou-bos ls parabienes zenizienses por serdes tan ounidos i por stando longe de la nuossa querida tierra nun bos squecerdes de la lhengua i de las tradiçones.
Solo ye pena que la fiesta nun seia mais partecipada, pus ende en Lisboua i al redor biben muitas centenas de mirandeses.
Yá agora deixo um beijico a la associada 101 por quien tengo muito apreço.
Buonas tardes Leonardo i Félç,
Oubrigado pulas buossas palabras.
De ti Leonardo, yá ben sendo aquestumado dezires bien i seres un grande outimista.
An relaçon a Félç, ye siempre buono houbir ls parabienes i inda melhor de ua pessona que nun coicemos.Ye berdade que hai muitos mirandeses a bibir an Lisboua i alredores, mas ajuntar nun eibiento destes setenta pessonas nun ye para todos.
Quanto a l' associada 101 de l Nial de l' Boubielha, Einés de ouriges de Sendin,tamien nós tenemos por eilha un carino special, que ye alhargado a todos als que por bien bengan a juntar-se i a trazer l sou çubiaco a este Nial.
Un abraço,
Francisco
Enviar um comentário