Adan i Eba - Capielha Sistina - Baticano(Miguel Angelo)
Nun podemos medir a todos cun l mesmo raseiro i hai muita giente que antende de arte i defende la lhibardade, yá muito antes de nós. La Eigreija fui ua de las anstituiçones que mais acarinou la arte i ls artistas.
Nun andube anhos ne l seminairo, nin sou de ls de ir a missa.
Nun cunfundo relegion cun politica.
Mas defendo la berdade i por esso antendo que se debe saber quien manda ne ls polícias de Braga. Se ye l Papa ou l menistro de la Admenistraçon Anterna.
Fui feito un ataque a la lhibardade de spresson, mas tamien eiqui fui feito un ataque a la Eigreija i als Santos. Un berdadeiro ato de antoleráncia relegiosa.
Eilhes ándan mesmo por ende...Ls que quieren calhar todo mundo.
2 comentários:
Buonas nuites tiu Almendra,
Cuncordo anteiramente e comungo la mesma oupenion.
Abraço
Félç
Buonas nuites, porsor Almendra!
You era para dezir solo que fazie mies las palabras de Félç, mas tengo que acrecentar un cachico.
Ye que you tengo anformaçones (por puortas trabiessas) subre l que se passou an Braga:
fui todo un anganho - ls guardas anganhórun-se i cunfundírun la obra-prima de l mestre cun la prima de l mestre-de-obras!
Abraço
Enviar um comentário