La cemba de palha pa ls animales i xaragones
A lhimpar: nun fazie aire i las cousas tornórun-se mais defíceles
Las ties Maria, Gracinda i Julieta íban ajuntando el grano de trigo cun bardeiro
Ampeço de la fazedura de l bornal nas eiras
L bardeiro de codesco! que pena nun star ambrimado!....Ne l miu tiempo era assi
La tie Maria, cun 85 anhos, amostraba como era la barredura de l eirado
Como you gustei, l carro chiaba i todo, parecie l miu 40 anhos atrás!
Carregando l carro culs manolhos: era l acarreio
L garfico mesmo, mesmo daquel tiempo!Quien nun se lhembra de quemer cun el?!
L segador cula fouce an punho amostra cumo era ladefesa de ls dedos de la mano squierda
protegida culas dedeiras ou dedales
Ls segadores ajuntando ls manolhos para fazer la medaPorque stou ancantado i bibi aquel die 28 de Júlio cun muita alegrie na aldé de Palácios/Bregáncia, bou a poner alguns retraticos mais. Tengo muitíssemos i bídios tamien.
José Ventura.
2 comentários:
Oubrigado, amigo Jesé Ventura, por esta reportaige. Se fusse ua trilha a la nuossa moda mirandesa - cun trilho an beç de malho - inda serie mais antressante.
Stá todo mui bien, mas l tiu de la fouce i de ls dedales, bei-se que stá cun roupa de ir a missa i un chapéu de palha acabado de strenar, i stá a percisar duas liciones de segar. You conheço-lo, que ye l Vice-Persidente de la Cámara de Bergáncia i parece star a pensar alhá cun el: i agora l que ye que bou a fazer cun estas cousas?
La pena ye que yá naide dá cursos de formaçon de segada.
Mas deixai que bos diga que l retratico que you gusto mais ye aquel adonde stá la toalha stendida nas eiras. I apuis hai aquel garfico tan lindo, mas tan solico, que stá mesmo a dezir, agarra-me.
Un abraço,
Amadeu
Buono, l tiu de la fouce si me apareceu un pouco pinpon mas como lo bi cun aqueilhes dedales e de fouce an punho, dixo cá para min, nun yé tarde nien cedo,que bai yé mesmo este que bai quedar nel retratico. De l restro foi o que se pudo acer. You bien bi que nun era eigual a la nuossa tierra, mas bale por aquele cachico que bibi an ber ls manolhos, meda, acarreio, l carro i ll burnal i an riba de tudo por aqueilha merenda serbida naqueilhes tarteros de poscelana yá bie sboucelhadas. Um abraço,Ventura.
Enviar um comentário