L caixon, adonde se guardaba l prato de la chicha i la fogaçaAssentado neste scanho (eimaige), quado besitaba l Museu/Lhagar (Zenízio) l miu sentido stremunhou cumo se fusse chiçcado cua cerilha. Nien que quejisse que fusse doutro modo nun era capaç de l sustener. Apuis de mirar este caixon que eiqui arrimado stá, nun habie nada nien naide que assegurasse ls mius pensamientos. Nun se ye dunho de l sentido cumo un quier.
Fui-se para bien loinge ne l tiempo, pa ls anhos quarenta de seclo passado. Fui-se para un caixon bien armano a este que mui pai muito tiempo cunserbou, que habie sustituido por ua mesa de trés gabetas. Que el cun muita proua i sastifaçon dezie que fizo i que era nel que se guardaba l prato cula chicha i la fogaça.
Hoije, yá mais antendedor de l que era la bida, antendo que las mais de las bezes fazie de mesa, i que, cumo las mosqueiras, esta pieça de cozina tenie muita amportança na guarda i cunserbaçon de l que habie para quemer, pan i chicha.
Tamien cuido que nisto l tiempo s’iba debidindo an cachos, l caixon fizo l sou tiempo antes de l tiempo de la mesa. I que nesse tiempo serie ua pieça que staba an to las cozinas i l uso serie pula cierta l mesmo. A nun ser que ua cousa ou outra tamien alhá se guardasse. Porque muitas bezes you oubi i inda ye coincida de las pessonas mais bielhas la stória que bos bou cuntar.
Pul Santo Antonho, un anho houbo ua baliente termienta ne l termo de Zenízio, botou tanta auga que quedou coincida pul delúbio de Santo Antonho, la anchena fui tamanha que puso an peligro to l que las pessonas tenien. Eilha anchiu ls rigueiros, sobrou pa las rues i caminos, antrou na loijas, corriças, palheiros i las casas de morar. Lhebou cun eilha arbles, ramalhadas, l que habie nas hourtas i todo l que stubisse suolto.
Cumo toda l’auga que sobra de Zenízio bai a caras a Bilasseco, l die apuis al delúbio bieno dalhá recado para ir por un caixon que habien arrecolhido de las cachoneiras de l'anchena i andentro habie un prato cun chicha, ua fogaça i ua fraita.
Era l caixon de tiu Manuol Einácio, nun habie nada que anganhar. Era el l duonho i tocador daqueilha fraita que fizo tan albrotada biaige.
Fui-se para bien loinge ne l tiempo, pa ls anhos quarenta de seclo passado. Fui-se para un caixon bien armano a este que mui pai muito tiempo cunserbou, que habie sustituido por ua mesa de trés gabetas. Que el cun muita proua i sastifaçon dezie que fizo i que era nel que se guardaba l prato cula chicha i la fogaça.
Hoije, yá mais antendedor de l que era la bida, antendo que las mais de las bezes fazie de mesa, i que, cumo las mosqueiras, esta pieça de cozina tenie muita amportança na guarda i cunserbaçon de l que habie para quemer, pan i chicha.
Tamien cuido que nisto l tiempo s’iba debidindo an cachos, l caixon fizo l sou tiempo antes de l tiempo de la mesa. I que nesse tiempo serie ua pieça que staba an to las cozinas i l uso serie pula cierta l mesmo. A nun ser que ua cousa ou outra tamien alhá se guardasse. Porque muitas bezes you oubi i inda ye coincida de las pessonas mais bielhas la stória que bos bou cuntar.
Pul Santo Antonho, un anho houbo ua baliente termienta ne l termo de Zenízio, botou tanta auga que quedou coincida pul delúbio de Santo Antonho, la anchena fui tamanha que puso an peligro to l que las pessonas tenien. Eilha anchiu ls rigueiros, sobrou pa las rues i caminos, antrou na loijas, corriças, palheiros i las casas de morar. Lhebou cun eilha arbles, ramalhadas, l que habie nas hourtas i todo l que stubisse suolto.
Cumo toda l’auga que sobra de Zenízio bai a caras a Bilasseco, l die apuis al delúbio bieno dalhá recado para ir por un caixon que habien arrecolhido de las cachoneiras de l'anchena i andentro habie un prato cun chicha, ua fogaça i ua fraita.
Era l caixon de tiu Manuol Einácio, nun habie nada que anganhar. Era el l duonho i tocador daqueilha fraita que fizo tan albrotada biaige.
Tiu Manuol Einácio tocando sue fraita (Manuel Inácio João)Esta cuonta stá ne l almairo de la nuossa mimória i la buona nomeada deste tiu tamien. Cumo las anchenas de l squecimiento atéiman an lhebá-las, que béngan delúbios de scrita para qu'eilha quede pa l feturo.
Nota:Yá neste blogue tamien l porsor Amadeu fizo aluson al que s’antende por este i ls outros caixones (bersos bien guapos), eiqui l retratico ye de l caixon que staba nas cozinas, mas tamien ls outros n'aldé de Zenízio son bien coincidos.
Nota:Yá neste blogue tamien l porsor Amadeu fizo aluson al que s’antende por este i ls outros caixones (bersos bien guapos), eiqui l retratico ye de l caixon que staba nas cozinas, mas tamien ls outros n'aldé de Zenízio son bien coincidos.
3 comentários:
Gustei muito de la cuonta de l tiu Manuol Einácio, an que la fraita staba ne l mesmo sítio de l quemido, cumo se tamien eilha fura pan. Tenes eideia de quando ye l retrato del, que publicas?
I esse delúbio de Sant'Antonho, an que anho fui?
Amigo Amadeu
Inda bien que eisiste este sítio para fazer ls comentairos. Porque para alhá de respunder al que precurabades inda tengo que bos pedir ua coisa que ye, ber se puodeis trocar Manuol por Antonho (que you troquei por bias de assi se chamar l filho), que esse si coinci melhor. Las mies çculpas a bós i a todos als que eique yá stubírun.
L que sei subre la grande anchena, que passou por Zenízio puis solo caíu áuga ne l termo, dezírun-me que fui pul 13 de Júnio de l anho de 1939 (son anformaçones)
L retratico nun sei quando fui sacado, ou seia quantos anhos tenie tiu Antonho.
Buono Amigo Faustino:
Eiqui está mais ua anteressante stória de la nuossa aldé i un guapo retrato de l tiu Antonho Inácio, que a mi me parece tener sido tirado pul Padre Sebastião, armano de Basilio, pul Natal de 1969 ou 1970, quando fizo un triato no salon de l pobo, junto a la Eigreija, cun outro colega tanbien Padre, Brasileiro, que andube a fazer eilusionismo pula aldé i tirou bários retratos a bárias pessonas de Zenízio. Relhembro-me que alguns desses retratos, fuoran mandados para miu Pai, anton Presidente de la Junta, pals antregar no Sagrado, no final de ua missa de Deimingo de l Antruoido de 1970 ou 1971, a las pessonas que estaban nesses retratos. L Padre Sebastião fui, nessa altura, un grande retratista de la giente de la nuossa tierra. Basilio saber melhor ls retratos que tirou.
Parabienes por mais esta linda stória que mos cunteste que ben anriquecer mais la stória de la nuossa aldé, de la nuossa bida i de la nuossa lhéngua.
Enviar um comentário