06/09/07

Cumo se diç “terrir” an Mirandês?


Ampeça hoije i bai até al die 9 l MotelX, un festibal de cinema de Terror an Lisboua, ne l cinema São Jorge. Faltaba un festibal assi an Lisboua. Cumo ye la prumeira eidiçon, you gustaba de ber, a la par de las nobidades, clássicos cumo Nosferatu de Murnau, M de Fritz Lang, Drácula de Copolla ó Shinning de Kubrick, mas nun bai a ser possible.
Nun se trata solo dun Festibal de terror, ye también un festibal de “terrir”, un neologismo que quier segneficar aqueilhes filmes que mistúran terror i houmor (negro) beluntário (habíemos de ambentar ua designaçon pa ls filmes que nun cunsíguen ser de terror i por isso mos fazen dar la risa).
Ajúntemos als filmes, un workshop de realisaçon cun Ivan Cardoso (las anscriçones yá cerrórun), dues masterclasses de grácia (sábado cun Mick Harris, demingo cun Ivan Cardoso) i teneremos un festibal cumpleto, para mos borrarmos de grima i de risa.




1 comentário:

AF disse...

Oulá amigo Firmino i oubrigado pulas preguntas que pones, zafios bien cumlicados. Bou a dar la mie oupenion.

Cuido que terrir = ter(ror) + rir.

An mirandés - seguindo la mesma eideia i yá que se usa mais «dar la risa» do que «rir», i que terror tamien se puode dezir «grima» -,poderemos tener:

- ter(ror) + risa = terrisa
ou
- gri(ma) + risa = grisa.

Assi, teneriemos ls cinemas de «terrisa» ou de «grisa» cumo aqueilhes an que hai terror i houmor negro.
Que bos parece?