Chegueste an die soalheiro
a calcer-me ls pies
pousados ne l absedo.
Nunca hai sol que caleça
aquilho que só se calece
cun un mirar doce
cun ua mano de lhana
cun un cuorpo de liana.
Çfiso-se la carambina
adonde ls pies sgobiában
adonde ls beisos se me anregelában
ne l modo de beiso adiado
Chegueste
i cuntigo
assomou-se la primabera
pul alçapon de casa
Subscrever:
Enviar feedback (Atom)
1 comentário:
Guapo poema Delaide.
Hai pessonas assi.
Ténen l don de mos traier la primebera, un tiempo an que todo torna a ser possible.
beisico
A.
Enviar um comentário