.
LA BIDA HAI QUE LA BIBIR…
Fui assi que passemos dous dies ne l Praino. Quinta por la manhana fumos a por uas balancies i uns mulones, que sembremos pa la Belheira, sitio de l termo de Sendin, nas arribas de l Douro. Cumo tenemos alhá trés fi(gu)eiras i stában chenas de fi(g)os, muitos yá capazes de apanhar para secar, nada melhor que anchir un baldo deilhes. Por esse Ambierno afuora, bien sáben a la purmanhana, al zayuno, cun un buchico d’augardiente i na nuite de l Anho Bielho pa l Anho Nuobo hai que ls poner na mesa.
Chegados a casa, ponimos ls fi(g)os a secar al Sol i fumus-mos a comer un cachico de pan i chouriço dun bísaro caseiro. L pan era de panadarie i nun staba a la moda.
Ende, di(g)o-le you a la mie:
- Yá nun faç tanta calor, bien podies amassar, que este pan nun sabe.
- Bai por leinha que manhana acendo l forno.
- Era melhor, que hai que meter apuis ls fi(g)os alhá i yá se fazie todo.
Se bien l falemos melhor l fazimos. Pus-le l carroço al jipe i fui-me por leinha a Atanor.
A la tardechica staba tobo porparado i na Sesta lhougo a la purmanhana cedo, la mie amassou. Acendimos l forno, amanhemos un parro para assar pa l’almuorço i eilha porparou tamien ua fornada de doces anquenómicos i fizo fritas.
L nieto inda solo ten cinco meses, mas fazimos un bolho par’el, quemi-lo you al almuorço, fui eigual. Assemos las patatas ne l borralho i ua cebolha. Fui melhor que ir por ende a un restourante, desses a querer parecer assi.
Quantos quedestes cun ganas de mos fazer cumpanha? Pus abisai que debrebe bos porparamos un fin de sumana assi, mas teneis que ajudar…
Stou a ber alguns a dezir, pantomineiro, ye solo para s’armar…
- Mas, las telenobelas son arte, screbir l que ye berdade ye armanço!?
- Ir a un restourante desses de ls amportantes ye alta culinária i you nun puodo fazer l que me dá la gana!?
- Ls Gato Fedorento son houmurista de purmeira. Dezie alhá se you nun sou cien bezes melhor.
Fui assi que passemos dous dies ne l Praino. Quinta por la manhana fumos a por uas balancies i uns mulones, que sembremos pa la Belheira, sitio de l termo de Sendin, nas arribas de l Douro. Cumo tenemos alhá trés fi(gu)eiras i stában chenas de fi(g)os, muitos yá capazes de apanhar para secar, nada melhor que anchir un baldo deilhes. Por esse Ambierno afuora, bien sáben a la purmanhana, al zayuno, cun un buchico d’augardiente i na nuite de l Anho Bielho pa l Anho Nuobo hai que ls poner na mesa.
Chegados a casa, ponimos ls fi(g)os a secar al Sol i fumus-mos a comer un cachico de pan i chouriço dun bísaro caseiro. L pan era de panadarie i nun staba a la moda.
Ende, di(g)o-le you a la mie:
- Yá nun faç tanta calor, bien podies amassar, que este pan nun sabe.
- Bai por leinha que manhana acendo l forno.
- Era melhor, que hai que meter apuis ls fi(g)os alhá i yá se fazie todo.
Se bien l falemos melhor l fazimos. Pus-le l carroço al jipe i fui-me por leinha a Atanor.
A la tardechica staba tobo porparado i na Sesta lhougo a la purmanhana cedo, la mie amassou. Acendimos l forno, amanhemos un parro para assar pa l’almuorço i eilha porparou tamien ua fornada de doces anquenómicos i fizo fritas.
L nieto inda solo ten cinco meses, mas fazimos un bolho par’el, quemi-lo you al almuorço, fui eigual. Assemos las patatas ne l borralho i ua cebolha. Fui melhor que ir por ende a un restourante, desses a querer parecer assi.
Quantos quedestes cun ganas de mos fazer cumpanha? Pus abisai que debrebe bos porparamos un fin de sumana assi, mas teneis que ajudar…
Stou a ber alguns a dezir, pantomineiro, ye solo para s’armar…
- Mas, las telenobelas son arte, screbir l que ye berdade ye armanço!?
- Ir a un restourante desses de ls amportantes ye alta culinária i you nun puodo fazer l que me dá la gana!?
- Ls Gato Fedorento son houmurista de purmeira. Dezie alhá se you nun sou cien bezes melhor.
Agora ls retratos para berdes que fui berdade:
..
ls fi(g)os.
l pan
.
ls bolhos pal nieto
.
ls anquenómicos
.
las fritas
.
l pan.
ls bolhos pal nieto.
ls anquenómicos.
las fritas.
Sendin, 11-09-2010
2 comentários:
"Quantos quedestes cun ganas de mos fazer cumpanha?"
Yá me stá a doler l braço de star alhebanatado...Yoooooou!!!!!
Mais auga na boca cumo cun ls moscateles...
Beisicos para ti i pa la forneira.
D.
Buons diês !
Ollai, purqui'que cullies lus fiyus verdes ? An Cicuiru tamiên fazen na mesma. Nun antendu, mas dezirun-me qu'hai que lus tirar agora que se no stragan-se. Y lus paixarus van-s'alla.
Eiqui nu mercadu achamus-lus siêmpre madurus, cume faran ?
Tengu outra pergunta :) Mas y vos purqui'que screbies (g)... nun ten sentidu, se no tamiên tenemus que srebir l(h), n(h), u(ô), y you que sei, mas outrus. Que nun puneis un "i" ou un "y" ?
Abraçu
Enviar um comentário