Quien deia ua ronda pula aldé de Zenízio inda las ancuontra.
Que sei you, se calha tamien pul termo, mas estes retratos que saquei fui n’aldé. Bielhas, si senhor, mas alguas deilhas bien dreitas, resistindo cumo sentinelas a la portarie na l’antrada percipal de l regimiento, mesmo que l aquartelamiento yá nun tenga tropa, tamien ls casales yá nun tenen buiadas, mas alhá stan ne l sou posto d’atalaia, pribando de salir ou antrar na cortina, lameira, lhata, binha, huorta, casal ou curral.
Las canhiças que se ponien nas rodeiras, tenien la funcon de bedar, fechar l’antrada nas tierras cun paredes, muitas bezes feitas de ls galhos que se cortában quando se zgalhaba ls freznos, mas nun serien las mais conhecidas, porque ls carros de bacas tamien tenien canhiças, que éran mais eilaboradas, que s’outelizában an bários serbícios, cumo acarretar lheinha, feno, manolhos, sacos, piedras i muito mais. Las canhiças ousadas puls pastores para fazer ls chequeiros, quando ls ganados drumien na tierra cul perpósito de las stercar i se demudában to las nuites, serien las menos conhecidas.
Hoije an die, las canhiças que bemos son teçtemunhos dun outro tiempo, porque naide se bota a fazer ua canhiça de ripas de madeira, dá trabalho i se fur feita d’arame i fierro ye mais fácele, dantes fazien-se cul que habie. Ls carros de bacas zaparcírun i poner l ganado a sterca la lhata muito menos.
You gusto de sacar retratos a estas cousas que subrórun de todo l que era dantes i bai zaparcendo, mais que nun seia çpenhícan-me la mimória.
Que sei you, se calha tamien pul termo, mas estes retratos que saquei fui n’aldé. Bielhas, si senhor, mas alguas deilhas bien dreitas, resistindo cumo sentinelas a la portarie na l’antrada percipal de l regimiento, mesmo que l aquartelamiento yá nun tenga tropa, tamien ls casales yá nun tenen buiadas, mas alhá stan ne l sou posto d’atalaia, pribando de salir ou antrar na cortina, lameira, lhata, binha, huorta, casal ou curral.
Las canhiças que se ponien nas rodeiras, tenien la funcon de bedar, fechar l’antrada nas tierras cun paredes, muitas bezes feitas de ls galhos que se cortában quando se zgalhaba ls freznos, mas nun serien las mais conhecidas, porque ls carros de bacas tamien tenien canhiças, que éran mais eilaboradas, que s’outelizában an bários serbícios, cumo acarretar lheinha, feno, manolhos, sacos, piedras i muito mais. Las canhiças ousadas puls pastores para fazer ls chequeiros, quando ls ganados drumien na tierra cul perpósito de las stercar i se demudában to las nuites, serien las menos conhecidas.
Hoije an die, las canhiças que bemos son teçtemunhos dun outro tiempo, porque naide se bota a fazer ua canhiça de ripas de madeira, dá trabalho i se fur feita d’arame i fierro ye mais fácele, dantes fazien-se cul que habie. Ls carros de bacas zaparcírun i poner l ganado a sterca la lhata muito menos.
You gusto de sacar retratos a estas cousas que subrórun de todo l que era dantes i bai zaparcendo, mais que nun seia çpenhícan-me la mimória.
Cerrado de las Almas - na Carreira
Antigo curral - de tiu Dabid
Caleija de las Eiras
Caleija de las Eiras - a la puorta de tiu Lázaro
Carro de bacas - stá ne l huorto de tiu Alcino a la sue puorta
7 comentários:
Gustei de ler i ber i dou-te ls parabienes pul trabalho. Estes trabalhos quédan para mimória fetura i screbidos por quien bibiu cun estas cousas ten outro balor.
Almendra
Buonas Tardes, amigo Faustino!
Buonas recordaçones mos trazeis cun estes retratos, bidas que passórun i nun tenen buolta.
Era nessas canhiças de ls carros que you gustaba de biajar, quando puniemos ls bacas al carro. Que suidades miu amigo! I l miu pai que siempre me dezie:" se te caires dende, inda lhiebas cula guilhada".
Mas inda faltan ende uas canhiças, uas que you gusto muito, éran las que se usában para acarretar la palha de las eiras pa l palheiro, aqueilhas mui altas. Nunca mais las bi na mie aldé.
Un Abraço,
Isilda
Buonas nuites
Ye berdade, estes trabalhos de retratos, ls feitos, ls que fazemos i todos ls que podirmos fazer, séran un rejisto mui balioso pa la mimória fetura.
Cumo tamien ye berdade, que me squeci de las canhiças altas que s'usában pa la palha, que nós, cuido you, le chamabamos "setas".
(solo un aparte, you sufi tanto i quemi tanta munha, que me squeci de perpósito)
Mas amiga Isilda, nun erades só bos que gustabades d'ir ne l carro pa la arada, you tamien i l sermon de miu pai era al mesmo
Un abraço
faustino
(Bou apublicar un retratico cuas setas de la palha)
Buonos dies Faustino,
Parabienes pula recuolha subre las çfrentes canhiças. Ls retratos stan guapos i, quanto a las setas de palha eilhas alhá stan ne l purmeiro retrato a fazer la funcion que siempre tubírun, a carregar palha cun un tiu a bandiá-la. Este nun yera de todo un serbício mui buono, mas muitos de nós inda l faziemos muitas bezes.
Un abraço,
Francisco
Habie trés culidades de canhiças ou setas pal carro. Nuas tierras cháman-le canhicas a las de la palha i de ls manolhos, mas habie las de l strumo que éran todas tapadas i an Sendin ye que éran las setas. Tamien habie quien le chamasse setas a las de la palha.
Bou a ber se ancontro uas setas de l strumo para poner l retrato.
strumo ou stierco
Mas dezie-se mais stercar la huorta.
Buonas tardes,
Las setas de l stierco de que tiu Almendra fala an Zenízio son setos, que tamien serbien pa las batatas/patatas, quando se trazien sien ser an sacas.
Un abraço,
Francisco Domingues
Enviar um comentário