Lhebadas las sedas pul tiempo
Rufada la piel que las cobrie
Bonda-me, sien un lamento
L´auga a correr menos frie
Ne l riu adonde nabego, lebe
Las bordas ampáran l speilho
Adonde me miro tranquila
Ls delores siguran l leito
Prenhado pu la bida
Nun bibir de quien s´astrebe
Nácen flores ne ls sous lhados
Freixos, silbas i salgueiros
Adonde siguro las eimages
De suonhos siempre pormeiros
Para que an suonhos m´eilebe
Deixou-me l tiempo la magie
Tecida na mie eisséncia
Deixou-me l tiempo ua squina
Cun ua manada d´einocéncia
Para que algua nineç cunserbe
Rufada la piel que las cobrie
Bonda-me, sien un lamento
L´auga a correr menos frie
Ne l riu adonde nabego, lebe
Las bordas ampáran l speilho
Adonde me miro tranquila
Ls delores siguran l leito
Prenhado pu la bida
Nun bibir de quien s´astrebe
Nácen flores ne ls sous lhados
Freixos, silbas i salgueiros
Adonde siguro las eimages
De suonhos siempre pormeiros
Para que an suonhos m´eilebe
Deixou-me l tiempo la magie
Tecida na mie eisséncia
Deixou-me l tiempo ua squina
Cun ua manada d´einocéncia
Para que algua nineç cunserbe
6 comentários:
I bien cunserbada:)
Chi
Ei Abelhon
Como te tenes amanhado cun tanto friu i sien flores adonde cuolhas l puolo?! Yá quantá que nun te bie.
Bien haias. Tengo dies, Abelhon!
Outros hai, an que la nineç se scamuje.
Un chi
"Deixou-me l tiempo ua squina / cun ua manada d'einocéncia..."
Guarda bien essa squinica
bs.
A.
Belo poema, Delaide.
Nun quereis ambiá-lo pa la "fuolha poética"?
Abraço,
Fir
Buonas tardes Delaide,
Ye cun essas squinicas que mos lhembram la nuossa nineç d' einocéncia, que bamos lhebando esta bida inda cun algua alegrie i sprança ne l feturo.
Bien haias,
Francisco
bien háiades amigos.
Fir, bou a tratar desse assunto. Uobrigada por haberes dibulgado.
Beisicos
D.
Enviar um comentário