23/01/11

L'amisade


Na nuossa caminada pula bida
Cunhecemos pessonas todos ls dies
I alguas mos dan tristezas
Mas outras mos dan muitas alegries

Cunhecemos alguas por acauso
Outras parece que son ambiadas
I muitas bezes son essas
Las que son mais stimadas

Essas se tórnan amisades speciales
Bínculo que nun cunseguimos splicar
Mas na carreira de l tiempo
Son essas que bénen para mos amar

Cumpartilhando cun nós
Muitas tristezas i muitas alegries
I mos acumpánhan bida afuora
I mos fázen felizes todos ls dies

Un amor ambolbido cun eilhas
Nua amizade sien lhemites
I bai bibindo i fantasiando
Mesmo que tu nun acredites

Miesmo quando eilha stá loinge
La sue persença inda me abraça
Cun ua calor que me calece
I un friu que m'arrepassa

Esse amor se torna ua strada
Anté ls quilómetros zaparécen
Assi pessonas amigas i amigos
Na bida yá mais se squécen

Pessonas crúzan ne l nuosso camino
Dua forma mais ó menos certeira
Que muitas d'essas pessonas
Quédan-mos próssimas la bida anteira.

José António Esteves

Sem comentários: