Agora bolas cumigo
Bolas, bolas sin çcanso,
Bás siempre para adonde bou
Cun uns minutos d'abanço
Na manhana de cada die,
Bolas, páras junto a mi(n)
I assi sin çcanso
Ampeça tou fernesin
Spertas-me, amostras-me l sol,
Que a nós todos nos almia
I ampeças ls tous mobimientos
Sin çcansar todo l die
Muito carino i procupaçon
I muita dedicaçon por mi!
Penso muito d'adonde bieno eilha
I porque se cumporta eilha assi?
Ua paixarina assi tenerá amor?
Por un home que le dá atençon
I sin se dar de cuonta
La ama cun deboçon
Dá-le un coraçon a quien acarina!
You por eilha m'ancantei
Bou pulas ruas de l mundo
I cun eilha al ombro caminarei
Todos mos míran de spanto,
I de admiraçon sunrindo!
You cula mie paixarina
Miu camino bou seguindo
Cun tanta lhiberdade se priba d'eilha
I bibe para nun m'abandonar
Cumigo, cumo un amigo,
Para to l siempre me agradar
José António Esteves
Sem comentários:
Enviar um comentário