Nuossa Senhoras de las Candeias

-Cumo se quier que seia la fiesta de Nuossa Senhora de las Candeias, tamien conhecida pul "2 de Febreiro" astanho.
-Segundo las amboras que me chegórun de la Direcion de l'Associaçon, cumo Uorgano derigente, stá ultimando ls purparatibos de la missa (cun lheituras an mirandés) i la marcaçon de almuorço pa l die 6 de Febreiro, i ambiando las respetibas cartas dando cunta de todo.

-Assi sendo mais ua beç este Uorgano de Direcion quier que este cumbíbio tradecional seia ua realidade i cun éisito, cumbíbio que stá bien persente na mimória de to ls Zenízienses mais bielhos que medrórun n'aldé i de ls mais nuobos porque acá l'Associaçon siempre l pormobiu.

-Tal quanto sabemos, tamien alhá n'aldé esta einiciatiba bai a ser realizada, puis doutro modo nun podie ser, assi sendo ye la buntade de la Direcion que todos stéian persentes, yá que nun mos podemos ajuntar alhá mos ajuntemos eiqui i nua quemunhon saludable i alegre.

-Bien debrebe bamos a çponeblizar (publicar) to l porgrama, para yá sabemos que astanho bai a ser l die 6 de Febreiro, por bias de l calendário mos ampurrar pa l Deimingo mais acerca.

-Nun bos squeçades, nun termineis nada para esse die i fazei un cuntato cula Direcion de l'Associaçon ou l ameil de l site ( nialdelaboubielha@gmail.com) e daremos sastisfaçon de la buossa buntade.

Obs:Ambora tamien publicada de l site de l'Associaçon - www.nialdelaboubielha.org i porque sabemos que muitos associados eiqui bénen, esta ye la rezon d'eiqui salir.