Na coleçon que yá eiqui se falou suobre la filmografie de Michel Giacometti, no lhibro númaro 7 salido esta sumana de la série "Povo que canta" ben un programa arrimado a quarenta minutos quaije solo dedicados a un de ls grandes ampulsionadores de la cultura popular mirandesa de l séclo passado. Home de mimória prodigiosa i coletiba assente na ouralidade, cuntador de cuontas cumo poucos, ye un cunsuolo oubir a Tiu Francisco dos Reis Domingues, Tiu "Chico Bioleiro" ou cumo ye más cuincido: Tiu Lérias, un digno merecedor de la medalha de ouro de la "Orde de l Anfante D. Anrique". No final nun se puode deixar de escuitar inda cun más atento estes bersos que se transcriben:
"Seja pequeno ou grande
o meu voto ninguém merece
porque depois do meu voto dado
o dono do vote cresce
e depois que está lá em cima
olha abaixo e não conhece."
"Seja pequeno ou grande
o meu voto ninguém merece
porque depois do meu voto dado
o dono do vote cresce
e depois que está lá em cima
olha abaixo e não conhece."
3 comentários:
Ha ! Mui buônu ! Y'l tiu que se vei ende yê'l tiu Lérias ?
Ya viste la guitarra ! Nunca habie vistu you ua assi.
Inda falei you nu passadu Deimingu c'un amigu de Llion que passou pur Cicuiru d'aquesta dança dals maragatus. Mas él nun la cuinecie.
Lus maragatus yêran un pobu que veviên an Maragateria, ua zona giografica an vuôlta d'Astorga, eilli al pie de Llion (y no an Asturias).
Eilles faziên muitu cumerciu y anté furun ancargadus dal trasporte de l'ouru de lus reis de Llion.
Nals tiêmpus premitivus de la TVI houbu ua repurtaige feita suôbre Miranda y vei-se ua tie de la Pruôba ou de Paradela (ya nun sei) a dança'l maragatu !
Houbu tamiên un llibru que saliu an 1907 "El Dialecto Léones en Maragateria y Astorga" que fala de las questumes de lus maragatus y cume son. Tamiên fala dal llionés qu'alla se fala. Mas vei-se que n'aquel tiêmpu ya'l castellanu habie anfluenciadu muitu la gramatica. De restu'l vucabulariu yêra quaisque eidenticu cu'l nuôssu.
Se quiês al llibru tengu'l en pdf.
Abraçu
Mius pais si me dezirun que'l tiu yê biên tiu Lérias.
Qu'home tan purreiru ! Stou amaravilladu pu'ls sous cuinecimiêntus !
De mas cuncordu cu'ls versus d'él qu'ende puniste purque you nunca vutei na mie vida !
Abraçu
Y la musica ? Parece mesmu ouriental !
De restu tengu eiqui outru llibru de cuôntus an llionés. Sta screbidu a la maneira que lus maragatus y la gente d'Astorga falaban.
Fui screbidu an 1907 y al "x" y'l "ll" antervocalicu ya habien zaparcidu pur seren sustituidus pu'l "j" castellanu :
deixei > deijei
allu > aju
Eiqui sta'l llibru :
http://esycom.univ-mlv.fr/~talves/MIRANDES/cuentos%20en%20dialecto%20leones.pdf
Abraçu
Enviar um comentário