No anho que agora entra fai un seclo que se morriu Manuel Joaquim Sardinha, Manuol Sardina, Manuel Sardenha. Amantar no sou nome ye poner la cultura mirandesa más alta i acarreá-la más loinge. A cundezir cun la era i para que nunca pérdamos la mimória, naciu un blogue dedicado a essa figura tan mirandesa que muita de la sue giente squeciu i que outros más nuobos nunca oubírun sequiera falar.
Poner un sítio na anternete solo dedicado al Abade Sardina ye ua maneira lebe de prestar houmenaige al sou nome i a la sue obra, ye buscar saber más suobre essa figura samartineira de finales de l séclo XIX i amprecípios de l séclo XX. Bejitas, cuntribuiçones i çcuçones seran feitas eiqui.
2 comentários:
Buonas nuites amigo Abelhón,
Parabienes por esta antressante eideia de prestar houmenaige al Abade Sardina que cuntribuiu mui seneficatibamente pal prestígio de la nuossa querida lhéngua mirandesa i, por esso, ye merecedor desta houmenage i de la maior stima i cunsideraçon de todos ls mirandeses.
Un abraço de l'amigo,
Leonardo
Cunforme cumbersa de hai üa hora cum Alcides, manhana quando baia a San Martino talbez arranje manuscrito dl Abade Sardinha. apis you direi algo.
Enviar um comentário