29/01/10

Nun gastes las palabras

Nun gastes las palabras
An çcursos sien sentido
Nun te canses an caminadas
Por caleijas sien çtino

Chegan-te bózios de gente
An retombares na lunjura
Cun pedidos de ourbalho
Neste mundo de secura

Naide quier las palabras
Sien ua mano a calcer
Naide quier ua fuonte
Sien auga para buer

Naide quier las palabras
Que l aire lhiebe a correr
Naide quier un celeiro
Sien pan para quemer

2 comentários:

franciscobelharino disse...

Buonas tardes Delaide,

Estes tous guapos bersos tenen sentido, mas cumo dizes para quei tantos çcursos, se quien ls fai nun stá a pensar an cumprir l que diç.
Un abraço,

Francisco

Adelaide Monteiro disse...

Parole, parole,...yá assi dezie la cantiga.
Esto dua forma giral, nun ye solo nos çcursos.
beisicos Francisco.