Nun culpes las bordas

Nun culpes la bordas, riu
De l tou correr anraibado
I de las lhuitas por ti trabadas.
Las bordas i la cama
Son braços que t'ampáran
Nas defíceles caminadas.

Acalma!
Calmo sós speilho
Adonde las tuas bordas
Se miran
Se peinan
Te beisan.

Atenta riu!
Las tuas bordas
Que cun puosse tomas
Cumo tues
Acagatadas i houmilhadas
Un die, te lhargaran
I las tuas fúrias
Solo lhamaçales sujos
Seran.