Tengo lido aqui muitas críticas derigidas als políticos an giral, ende an Pertual. Críticas na mie oupenion eisageradas tanto na forma cumo talbeç até ne l fondo.
Pensemos bien! Diuses nun son, mas na realidade pessonas cumo nós que un die eiran parar ne l mesmo sítio que un qualquiera.
A partir dende la cousa ye simpres : porque star siempre a la spera ou cun l’eiluson que eilhes puodan ser capazes de fazer milagres quaije cumo se tubíssen ua barica mágica ?
Nua berdadeira democracie, todos debemos de daprender a dar para tamien sperar receber i nun perder tiempo a falar talbeç sien necidade de maneira a poder pensar inda mais i agir inda melhor !
Pénsan ls Pertueses… mas inda ban/bamos talbeç a percisar de pensar inda mais i melhor !
3 comentários:
Buonas nuites Ana:
Tamien acho que muitas críticas als políticos son eisageradas i que “nua berdadeira democracie, todos debemos de daprender a dar para tamien sperar recebir”.
Bibemos ua época de nun te rales culs outros, de deixa andar porque la respunsabelidade ye de ls políticos, de l Stado i nun de la sociadade cebil.
Falta-mos l sentido de quemunidade, de solidariadade, de hounestidade i de la decéncia.
Todo ó quaije todo stá "tuorto". Por esso la derrapaige de ls juros de la díbeda pública acelerou a punto de sermos oubrigados a aceitar que ne ls próssimos anhos bamos tener mui que padcer.
Abraço d'amisade,
Leonardo
I todas las críticas inda son poucas para esta cambada de mal formados. Nun son só ancumpetentes, ua grande parte son zounestos i mal formados, Ana.
Se un cidadano quemun fazísse metade de l que se béian muitos a fazer, a eilhes i als sous portegidos, starie a apodrecer na prison.
I dúran, i... dúran!
Un beisico
Enviar um comentário