Li onte, nun jornal spanhol, ua ambora sobre la Islándia, que me deixou antusiasmado. Podeis ler-la ende, mas se nun tubirdes paciéncia, lede l miu modesto resumo.
An 2008, l gobierno islandes nacionalizou ls principales bancos - Landsbanki, Kaupthing i Glitni - que stában falidos. Cumo resultado desse "ambestimento", l paiç antrou an bancarrota i tube de pedir ajuda sterna (2.100 milhones de dólares del FMI i 2.500 milhones de paises nórdicos).
Ls ciudadanos, ansistifeitos cu l rumo de l paiç, organizórun manifestaçones diárias que porbocórun la demisson de l gobierno (chefiado pu l cunserbador Geir H. Haarden) i la cumbocaçon de eleiçones antecipadas.
L nuobo gobierno nun cunseguiu resolber la situaçon i porpós la deboluçon de la díbida a la Gran Bretanha i a la Holanda, mediante l pagamento de 3.500 milhones de euros, a ser suportado por las familias islandesas, durante 15 anhos, cun juros de 5,5%. Se fussen pertueses, haberien ido pa l café lhamentáren-se. Cumo nun son, fúrun outra beç pa la rue i eisegirun que esta medida fuosse sumetida a referendo.
An 2008, l gobierno islandes nacionalizou ls principales bancos - Landsbanki, Kaupthing i Glitni - que stában falidos. Cumo resultado desse "ambestimento", l paiç antrou an bancarrota i tube de pedir ajuda sterna (2.100 milhones de dólares del FMI i 2.500 milhones de paises nórdicos).
Ls ciudadanos, ansistifeitos cu l rumo de l paiç, organizórun manifestaçones diárias que porbocórun la demisson de l gobierno (chefiado pu l cunserbador Geir H. Haarden) i la cumbocaçon de eleiçones antecipadas.
L nuobo gobierno nun cunseguiu resolber la situaçon i porpós la deboluçon de la díbida a la Gran Bretanha i a la Holanda, mediante l pagamento de 3.500 milhones de euros, a ser suportado por las familias islandesas, durante 15 anhos, cun juros de 5,5%. Se fussen pertueses, haberien ido pa l café lhamentáren-se. Cumo nun son, fúrun outra beç pa la rue i eisegirun que esta medida fuosse sumetida a referendo.
L resultado nun deixou margen para dúbedas. Nobenta i trés por cento de la populaçon rejeitou la deboluçon de la dúbeda nessas cundiçones. Ls credores bírun-se forçados a repensar l acordo i renogociórun la proposta - juros a 3% i pagamento a 37 anhos. L Parlamento aporbou la proposta por ua marge mui streita. Ansatisfeito, l persidente submeteu este nuobo acuordo a referendo.
Elegiu-se ua Assembleia para redigir la nuoba Cunstituiçon. Candidatórun-se a esta tarefa mais de 5000 islandeses, de ls quales fúrun scolhidos binte i cinco, todos sin filiaçon partidária.
L pobo islandés scolheu decidir l sou pórprio feturo.
I nós, quando decidiremos l nuosso?
1 comentário:
Enviar um comentário