Puntos de bista

Dues cabeças, dous pensares
Dous coraçones, dues formas de sentir
Dous sentimientos puros
Dues formas de ls trasmitir.

Naide ye eigual a naide
Nien esso se debe querer
Pensando por sue cabeça
Cada un sabe l que fazer.

You nun quiero flores no antierro
Outra ambençon de l cunsumismo
Que fai de l delor de la perda
Un çcarado ouportunismo.

Carbalhas you gusto deilhas
Nada tengo contra la flor
Pongo-las adonde lhembro
Als mius queridos, cun amor.

Lhembro-los an casa
Ne l jardin, ne ls cerrados
Na relba, na caça, na bima
Na praia, na frauga
No lhabadeiro, na cozina .

No redadeiro lhugar
Nada deilhes tengo a lhembrar.