Hoije cumo dantes

Stábamos na era de l anho sessenta de la gráçia de Dius, botou ls redadeiros trastes a leilon.

Sien cobres nien cheta, amarrado a la cundiçon de probeza que tenie, alhebantaba la cara i iba-se para bien loinge, sien bergonha, lhebado pula balentie de dar ua bida melhor als sous.

La biaige fui demorada i rendida, sou çtino era la tierra pormetida, cumo pormetido staba zde siempre dar dies melhores a sue tie, ninos i ninas. A la sue tierra mai nun le querie mal, mesmo que siempre fura madraça i deilha tubira la pouca cundiçon de amar.

Amar, amaba sou pobo, todo l que era giente, porque le sabie bien i de bundade era ua eimensidon.

Quedar-se nun podie, éran ls anhos salagres de todo que ampurra un home desta cundiçon pa la maldita eimigraçon.
Pur alhá un die para siempre quedou.