18/07/08

Un santo home



Hai amboras que mais parécen ua brincadeira. Ye l causo dua que lhi hoije a la purmanhana. Aton nun ye que un grupo de comunistas russos quier santeficar a Staline? Listes bien. Santeficar a Staline.
Parece que l home fizo muita cousa buona pul pobo russo. I las atrocidades? Esso, claro que "fui malo", dízen eilhes, "mas las pessonas que sufríran cun Staline yá se morrírun i l pobo stá çpuosto a perdonar". Sónhan estes senhores que l mais grande deseio de l pobo russo ye tener un retrato de Staline an sue casa. Deixá-los sonhar.
Mas esto nun debie de surprender. Al fin, l Czar Nicolau II, tambien stá antre ls santos. Nun debemos ye cunfundir esse San Nicolau cul Pai Natal.


1 comentário:

AF disse...

Buonas nuites, Fir,

Cun santos desses ne l cielo, nin dá para manginar cumo srá l anfierno...!

Abraço,
Amadeu