Quando tengo un cachico de bagar – i l mal ye que a las bezes l fago mesmo sien muito bagar -, quando tengo bagar, anton, a mi gusta-me muito dar ua boltica puls blogues, mal acumparado, cumo tal, cumo quando datrás un iba pal Porto pula strada bielha i paraba an todas las capielhas de l resairo de l Maron. Antes de l balon, stá buono de ber.
Fago la ronda de ls mirandeses i apuis boto-me sien çtino, l más de las bezes solo paro alhá para las Astúrias, que bien hai que ber, i muita beç ancontro cousas de Miranda.
Un die destes, sbarrei nun causo que me fizo soltar ua risica i ye disso que you bos querie falar. Quien fur más curjidoso puode ber eiqui ou eiqui, mas you cunto-lo an poucas palabras:
Diç que hai nua parte de l México – Tabasco (si, la tierra que dá l nome al molho queimon) – un pobo, Ayapan, adonde inda se fala ua lhéngua, Ayapaneco (ua bariadade de la lhéngua Zoque), que stá an peligro de zaparcer, por bias de solo meia dúzia de pessonas la antendéren i solo haber dous bielhos que inda la fálan bien. Solo dous!
Diç que ten habido un sfuorço para ber de cunserbar la lhéngua biba i de ser capazes de la passar para ls más nuobos, i tamien nun custará a manginar ls doutores de la ounibersidade de buolta de ls tius, para ber de fazer grabaçones, registros, studos…you sei alhá, anda que nun ls han de haber cunsemido pouco!
Mas ls tales doutores sbarrórun nun contra cun que, cumo quiera, nun cuntában: ye que ls dous bielhos, Manuel i Izidro, por rezones pessonales (eiqui you leio zízaras i teimas), yá quantá que nun se dan nien fálan un cun l outro i que nun hai Dius que ls faga dar ua palabra antre eilhes.
Fui eiqui que a mi me dou la risa i se me lhembrou de tie Outília que, nun causo destes, nun deixarie de dezir; “ Bós nun bedes? Isto todo son zgrácias!…”
Fago la ronda de ls mirandeses i apuis boto-me sien çtino, l más de las bezes solo paro alhá para las Astúrias, que bien hai que ber, i muita beç ancontro cousas de Miranda.
Un die destes, sbarrei nun causo que me fizo soltar ua risica i ye disso que you bos querie falar. Quien fur más curjidoso puode ber eiqui ou eiqui, mas you cunto-lo an poucas palabras:
Diç que hai nua parte de l México – Tabasco (si, la tierra que dá l nome al molho queimon) – un pobo, Ayapan, adonde inda se fala ua lhéngua, Ayapaneco (ua bariadade de la lhéngua Zoque), que stá an peligro de zaparcer, por bias de solo meia dúzia de pessonas la antendéren i solo haber dous bielhos que inda la fálan bien. Solo dous!
Diç que ten habido un sfuorço para ber de cunserbar la lhéngua biba i de ser capazes de la passar para ls más nuobos, i tamien nun custará a manginar ls doutores de la ounibersidade de buolta de ls tius, para ber de fazer grabaçones, registros, studos…you sei alhá, anda que nun ls han de haber cunsemido pouco!
Mas ls tales doutores sbarrórun nun contra cun que, cumo quiera, nun cuntában: ye que ls dous bielhos, Manuel i Izidro, por rezones pessonales (eiqui you leio zízaras i teimas), yá quantá que nun se dan nien fálan un cun l outro i que nun hai Dius que ls faga dar ua palabra antre eilhes.
Fui eiqui que a mi me dou la risa i se me lhembrou de tie Outília que, nun causo destes, nun deixarie de dezir; “ Bós nun bedes? Isto todo son zgrácias!…”
I apuis inda dezimos nós que ls caminos de l Mirandés son defíceles, que stan chenos de piedras, que nun bal la pena, stá cundanado i stá... cousas assi!
Bah, çculpas de malos pagadores, somos mas ye uns sornas buonos, podiemos poner eiqui ls uolhos, que nós inda somos más de dous. I inda hai más de meia dúzia que l anténden.
1 comentário:
Buonas nuites, amigo Tortulhas,
Que cuonta fantástica. I nós mirandeses, que inda somos mais de dous, nun mos podemos anrabiar i deixar de falar uns culs outros, mas falar i screbir sin çcanso: quien nun quejir oubir que tape ls uobidos i quien nun quejir ber que tape ls uolhos.
An que die chegará l mirandés a quedar cun dous assi? Nun sei nin m'amporta, mas solo l hoije que puode ampedir essa situaçon.
Un abraço,
Amadeu
Enviar um comentário