26/07/08

Ancuontro de bloggers ne l Naso, a 22 de Agosto



La eideia saliu, yá uns tiempos atrás, de Boieiro i de Manolacas i, solo pula ourige de l'eideia, lhougo passou a ser un ancuontro antrecuntinental
http://baglina.blogspot.com/2008/07/ancuontro-de-bloggers-ii.html

Solo agora traio eiqui la lhembráncia porque yá mos bamos achegando de l die. Será oucasion para molhar la palabra i le darmos de comer a la anternete mirandesa que inda anda algo delgada. I tamien para mos dar-mos a coincer yá que muitos de nós solo mos coincemos pula anternete: i cumo eiqui mandamos tantos abraços, pus ende teneremos la oucasion para que nun séian solo bertuales.
Alhá starei, i spero que la quadrilha de l frolesmirandesas apareça pul Naso, l die 22 de Agosto, ende arrimado a la hora de jantar, ou de l almuorço que ye cumo se diç agora. Que naide se squeça de la palaçuola, que assi la puosta inda sabe melhor.


12 comentários:

Fir disse...

Buonas tardes, porsor Amadeu.
Gosto da ideia do encontro, embora não saiba se poderei ir.
Algumas dúvidas de mirandês: o que quer dizer "palaçoula"? E não percebi muito bem se este encontro é à hora de almoço ou à hora de jantar.
E agora algumas dúvidas geográficas: como se vai para o Naso? Há transportes públicos?
Um abraço.

Amadeu disse...

Buonas nuites Fir,

Se podires ir, sós bien benido.
Ua palaçuola ye ua faquita, que se chama assi por ser fabricada an Palaçuolo, anque tamien l seia noutras tierras.
L Naso queda acerca de Miranda (eilhi ye todo acerca) i nun hai streportes públicos para alhá. Hai carreiras de Lisboua para Miranda, apuis de alhá stares todo se amanha. Bonda que telifones antes.

Un abraço,
Amadeu

leonardo antao disse...

Acho amportantíssima la eideia de Boieiro i de Manolacas para comermos ua buona posta mirandesa i para mos dar-mos a coincer, yá que muitos de nós solo mos coincemos pula anternete.
Cun muita pena mie, mas nun poderei estar alhá, mas spero que ls mieus amigos de la quadrilha de l Froles Mirandesas apareçan, cun la palaçuola bien afilada.
Nun sei l programa, mas sugerie un prémio para houmenagear ls bloguistas i saitistas que durante este anho mais cuontribuiran pal coincimento de las tierras de Miranda. Aqueilhes que mais i melhores cousas tenan screbido, i mais tenan cuontribuido pala promoçon, pala dibulgaçon i pala balorizaçon de la nuossa lhéngua mirandesa.
La mie mui modesta sugeston para nome de l prémio yé “Bloguista Mirandés de l Anho”.
Que cuontinueis a cuontribuir para que la lhéngua mirandesa puoda medrar.
Cordiales saudaçones mirandesas i un fuorte abraço de,
Leonardo Antão

Boieiro disse...

Buonos dies

Çculpai se nun estou de acuordo, á Leonardo.
Essas cousas de "isto de l'anho" ou "aqueloutro de l més" sona a jogos i a cumpetiçón i essa nun fui la filosofie de l lhançamento deste ancuontro.
L'oubjetibo era las personas coinceren-se para poder trocar oupeniones i quien sabe aspuis acertar maneiras de poder lhebar la nuossa lhéngua cada béç más loinge.
Por outro lhado este ancuontro tamien nun se quier solo para quien escribe mirandés. Todos són bien benidos, béngan eilhes de la Çpeciosa, de Bregáncia, de Sebilha ou de ilha de Páscoa.
Péç-me que l'amportante ye que l Praino seia tamien ua ancruzelhada, un sagrado ou un terreiro de muitas lhénguas i de las sues gientes.
Ancuontro de Bloggers dal Praino, porque se fai no Praino.
Por eisemplo: pul que beio, Fir nun ye dal Praino mas quier ir al Naso a coincer la palaçuola. Antón, cun todo l gusto, teneremos que le amostrar ua camioneta d'eilhas i se houbir algua sien cabo ...

Un abraço

leonardo antao disse...

Amigo Boieiro,
Fiquei cuontente cul buosso comentário, de saber que
L'oubjetibo de l ancuontro yé las personas coinceran-se para poder trocar oupeniones i, quien sabe, aspuis acertar maneiras de poder lhebar la nuossa lhéngua cada béç más loinge.
Tamien mui amportante, yé este ancuontro nun ser solo para quien escribe mirandés.
Sabeis tamien que ls prémios son un de ls melhores ancentibos i un de ls mais fuortes motores de eboluçon de l mundo, de ls çportos, de las tecnologies i, parece-me a mie, tamien de las lhénguas.
Por esso fiç essa sugeston de l prémio para ancentibar ls falantes i scritores de la Lhéngua Mirandesa.
Tenemos an cumun l amor i pula lhéngua mirandesa, pulas perciosas personas mirandesas.
Cuontinuai a ajudar a medrar i a nunca deixarmos morrir la lhéngua mirandesa i cuontai siempre cula mie colaboraçon, que yá ando nesta lhuita hai cierca de ua dúzia de anhos.
Un fuorte abraço de,
Leonardo Antão

Fir disse...

Buonas nuites a todos.
Quero agradecer a ideia deste encontro e os esclarecimentos do professor Amadeu.
Não quero ser como o Sócrates e prometer uma coisa e não cumprir, por isso quero só dizer que ainda não sei se irei ao encontro ou não. Tenho vontade e se puder lá irei, mas não levo palaçoula.
Um abraço a todos.

AF disse...

Buonas nuites, á Fir,

Tu aparece que de la palaçuola ancarrego-me you, queda çcansado.

Un abraço,
Amadeu

Tiégui disse...

Buonas tardes Firmin !
Mira la Palaçoula achas an qualquiera sitio. Ye ua nabalha que tenen los Mirandéses i trazen-la nal bolso.
You tamien siempre tengo ua (tamien ten alha un garfo !) i sierbe pra quemer, znudar filos élhetricos, i ruçar la barba... Bon ruçar la barba ye mesmo que nunca spurmentei mas tamien debe de dar !!!
Quando me fago amigo cua pessona que nun ye de Miranda anton oufreço-l siempre ua palaçoula i un cantarico de Mubeiros.
L cantarico ye tipo ua barrila mui pequeinha cu' la qual se puode tucar l subio punendo alha auga i assuprando dua cierta maneira.

Se quies ber uas palaçoulas i uns cantaricos so ye mira eiqui :
http://cicuiro.blogspot.com/2008/07/versus-la-raya.html

I tamien : http://cicuiro.blogspot.com/2007/05/al-gobierno-sta-mos-ha-tirar-todo.html

Tiégui.

Tiégui disse...

Ah ! Mas you tamien bou ! De chaça :-)

Tiégui disse...

Pal melhor caderneiro iremos oufrecer la Palaçuola d'ouro... ou l dreito de pagar l'almuôrço héhéhé

Fir disse...

Buonas nuites, Tiégui.
Gostei das imagens da palaçoula e dos poemas.
Parece que a palaçoula ainda faz mais coisas que o canivete do Macgyver.
Vamos lá ver se serei digno de uma prenda dessas.
Um abraço.

Boieiro disse...

Buonas tardes

Tiégui:
Se bás de chaça anté puodes ourganizar junto cun Óscar i Elói, un passeio an dues ruodras zde la Cándena anté l Naso! Quien sabe nun aparecen más antolhados?!
Teneries al menos dues escuolhas:

http://maps.google.com/maps/ms?ie=UTF8&hl=pt-PT&t=h&msa=0&msid=100669810749872179486.0004537ab7b0cb217253e&ll=41.627762,-6.285381&spn=0.065055,0.153809&z=13

Abraços