Sigura l´ourbalheira

 

Bien an subercarga

 passarie alguns de ls tous delores

 para l miu cuorpo,

secarie ne ls mius uolhos las lhágrimas

que yá nun sós capaç d´arramar,

angulhirie ne l miu coraçon andeble

 ls ais que botas i que tanto m´antristécen.

 

Sinto que la bide stá cada beç mais seca…

 

 

Susten l´ourbalheira de fin de berano

para ber se l carambelo de l eimbierno

 nun l´ acaba de secar

 i seia capaç de na primavera

de tornar a berdegar.

 

Retrato-me an ti,

 ne ls tous delores qu´ amarfanho cun risas,

ne ls tous ais que streformo

an retratos feitos de palabras,

 nas tues soudades dun tiempo

an que la huorta te berdegaba

an telas pintadas cun tinta quelorida.

Dou-te la mano  para que nun caias,

 dou-te carinos para t´agarimar  la bida