MUITAS SUIDADES JUNTAS

MUITAS SUIDADES JUNTAS

1

Muitas suidades juntas
Pesan siempre muito mais
Que trazen agarradas a eilhas
Ls famosos bandabales.
2
Nesta ribeira de la bida
I de lantre de la anchorrada
Bolan suonhos marabelhosos
Que nunca me lhieban a nada.
3
De las montanhas de la Suiça
An riba dun aire airoso
Passando pe l Porto i Gaia
Benen a parar a Bumioso.
4
Lhambranças de RUI MIGUEL
Cun FÁTIMA a Comandar
Entran quando stou a drumir
Cun eilhes me pongo a suonhar.
5
Suonhos quelor de rosa
I mais l que me da na gana
Beio a TIAGO ANDRE
Mais a FELIPE I la JOANA.
6
Tamien stá la mie MARISA
Mais l MIGUEL BAÇ PINTO
I naqueilhes belos momentos
Son las alegries que sinto.
7
Más nun quedan por ende
Culas cousas dessa maneira
Que aparece la ANA CATRINA
Mais l l miu LUÍS CARREIRA.
8
JORGE i EINÉS benen De l Porto
Trazendo-me ls sous amores
Cun JUAN i cun TRESA
Segurando l Ramo de Froles.
9
Más la nuite ye curta
Para tanta felicidade
I siempre que l suonho acaba
Oumenta-se mais la suidade.
10
Oumenta-se mais la suidade
L que ye ua grande maçada
Que la suidade bai oumantando
Por isso yá stá tan pesada.
11
Bou aguantando la carga
Cun todos ls sous picos
Destribuindo por todos
Muitos muitos muitos beisicos.
12
Depuis la nuite s´acaba
I ben mais un die a cantar
Sprando que benga la nuite
Para buolber a suonhar.
13
Ye assi nuite atrás nuite
Suonhando estas berdades
I assi deste modo
Bou angando las suidades.
14
Nun bai i ben de lhamurias
Ye l preciu que tengo que pagar
Por essa maldita crise
Que me stá a atormantar.
15
Se me perguntas se ye justo
You nun saberei respuonder
Yá stou bielho demais
Pa la puoder comprender.
16
Más hoije quedo-me cul suonho
Para las alegries nun stragar
L que passou bos direi
Quando spertar? Se me lhambrar.
17
Más si me lhembra l que de onte
Nun sei se bos lhembrais
Que muitas suidades juntas
Pesan siempre muito mais.
18
Agora que yá spertei
Mando muitos muitos beisicos
Para iren a ancuntrar
Todos estes miues paixaricos
19.
De la Suiça até l Porto
Ban ls suonhos an porciçon
Matando las suidades
Que tengo ne l coraçon.
20
Mais un beisico de l pai
I de l abó yá belhico
Até buolber a suonhar
Repartie este Beisico.

José António Esteves