Al deixar eiqui l retrato del, solo le quiero prestar ua hounesta houmenaige. Sien el la nuossa biba serie outra an algues cousas. I tamien l mirandés muito ganhou culas çcubiertas de homes cumo Steve Jobs. Dízen que tenie mal génio, mas esso nun ampide que seia un eisemplo por aqueilho que fizo. An 1993 tube la honra de assistir a ua cunferéncia de l an Chicago. Zdende nunca mais l poderie squecer. Bien haias Steve por haber ajudado a lhebar l mundo un cachico mais palantre.
1 comentário:
Aqui an França, Amadeu, aparecírun comentairos mais críticos que esse que mos apersentais aqui :
- Suicídios an número amportante de ampregados saturados de trabalho i desprezados na fábrica Foxconn, na China, donde saien essas « jóias » de tecnologie de marca Nokia i Dell... (Bede l artigo de l jornal Libération de 3 de Jundo de 2010 http://www.liberation.fr/economie/0101639157-suicides-a-la-chaine-chez-le-geant-foxconn
- L home gustaba de denheiro, cumo debeis de saber i achaba que todos debien de fazer cumo el : trabalhar nada mais nada menos que 90 horas por semana !
- Fui un bisionairo cumo muitos se fartórun yá de dezir (a ampeçar cumo nun podie deixar de ser pula própria Apple) ? L que el eimaginou, yá outros l habien eimaginado. An França, l eisemplo mais citado ye l scritor de ciéncia ficçon i tamien jornalista, yá ne l anho de 1947: René Barjavel...
Cumbido-bos a ber tamien este bídeo
http://13h15-le-samedi.france2.fr/?page=accueil&rubrique=monoeil&video=manuel_13h15_oeil_20111008_218_08102011140912_F2
Acho que ye buono nun squecer de de falar tamien de alguas realidades.
Un abraço.
Enviar um comentário