Lhienda de la capielha de Nuossa Senhora da Beiga
Cunta la lhienda que un lhabrador andaba a arar nun lhugar, chamado Bal de Cóbo, próssimo dua grande fraga (rochedo).
De repiente, las bacas spantórun-se i agarrórun a fugir, quedando çpinduradas, pul arado.
L lhabrador bendo aqueilha çgráçia tamanha, cuntando culas sues bacas perdidas, puso l’aguilhada als ombros, i mirando pa l cielo, ambocou l nome de Nuossa Senhora... Que le acudisse naqueilha afliçon.
De repiente, sien saber cumo, biu las bacas salbas. Cunsidrou aqueilho cumo un milagro, i lhougo prometiu mandar custruir ua capielha ne l lhugar de la Beiga, que queda an frente, adonde isto acunteciu.
Drento de la mesma capielha inda hoije eisiste l quadro de la cena que la lhienda cuonta.
Sem comentários:
Enviar um comentário