« Sócrates fui un líder fuorte – ye berdade – adorado por uns i odiado por outros. Cun grandes birtudes – la coraige, la determinaçon, l'anteligéncia, l ardor patriótico al serbício de l Stado. Mas ten eigualmente alguns defeitos: ua cierta arrogáncia, la deficuldade an fazer cumpromissos, la teimosie. Estes redadeiros cuntribuírun muito para le criar muitas antipaties. Fui talbeç l mais atacado i anjuriado de ls políticos pertueses zde siempre. Resistiu a todo. I saliu cun honra i grande dignidade. »
Portugal tem saída, Mário Soares, nua antrebista feita por Teresa de Sousa (Redatora percipal de l diário Público), p. 73, Ed. Objectiva, Julho de 2011.
Sócrates foi um líder forte – é verdade – adorado por uns e odiado por outros. Com grandes virtudes – a coragem, a determinação, a inteligência, o ardor patriótico ao serviço do Estado. Mas tem igualmente alguns defeitos: uma certa arrogância, a dificuldade em fazer compromissos, a teimosia. Estes últimos contribuíram muito para lhe criar muitas antipatias. Foi talvez o mais atacado e injuriado dos políticos portugueses desde sempre. Resistiu a tudo. E saiu com honra e grande dignidade.
3 comentários:
Buonas nuites Ana:
Este tou testo fizo-me lhembrar esta frase scrita hai cerca de 130 anhos atrás, por Eça de Queiroz “ls políticos i las fraldas dében ser mudados frequentemente i pula mesma rezon”
Un abraço,
Leonardo.
Séiamos mais modestos, Leonardo ! Este testo nun ye miu ! You nun fiç mais nada que sacá-lo desse libro que acabei de ler hai dies mas que m’ajudou, parecendo que nó, a andar menos deprimida que uns dies atrás. Ye que la crise nun ye só pertuesa, sabe !
An França, ne l Domingo passado, houbo mais de 2 milhones de pessonas que até aceitórun pagar para poder botar ! I este Domingo, todo lhieba a crer que muitos tamien aceitaran de pagar. Esso ye la proba que inda hai muita giente que acradita na política i de maneira mais positiba que l que essa buossa citaçon dá a antender.
Nun mos podemos cunsiderar uns « bencidos de la bida », Leonardo, i nun podemos aceitar tampouco un cierto sprito de decadéncia que puode haber hoije an Pertual cumo podie haber talbeç ne l tiempo de Eça !
A mi l que me agradou ne l libro de M. Soares fui l’eideia que inda puode haber sprança. Mudando muitas cousas, esso si! I el até diç l que debe mudar percisamente.
Claro que todo serie mais fácele i mais paradisíaco se fusse só preciso carregar nun botonico... ou anton beijar l nino Jasus, l nino Jasus de la Cartolica por eisemplo !
Enviar um comentário