Tenes ne l cuorpo
Ls múscalos
De ls remissacos
De chubidas
Caminos yegres
Que te lhieban
Alhá de tous siléncios...
Tenes ne l´alma
L deseio de passar
Pala borda d´alhá
Dun riu que siempre
Sous miedos te metiu
I que t´ ampíden
Que de tous braços fagas remos...
Un die
Ne l serenar de fin de tarde
Ne l puial
Mirarás inda la borda d´alhá
An debaneios
De la tardechica
De tardiegos dies...
Subscrever:
Enviar feedback (Atom)
2 comentários:
Bien benida Delaide,
Que gusto tan grande ye ber-te por acá, assi rucecitada. Agora si, que l berano antrou de beç.
beisicos,
Amadeu
Subrebibi a quaije que dues sumanas sien scrita na anternete. Fui ua proba de fogo.
Eiqui stou you rececitada cumo dizes, cun l berano yá moço...
Beisicos
Delaide
Enviar um comentário