Hai ua barranca
Puls tremores de ls passos
Nun la puodo passar.
Hai ua aranheira
Que nun me deixa ber
Pul túrbio de l mirar.
Hai ua jinela cerrada
Adonde nun spreito
Por nun se çfechar.
Abre-te jinela
I rasga la cortina
Para que me béngan oulores
De palabras frescas!
Alharga-te jinela
Scacha las bidraças
Para que se me streformen
Las lunjuras, acerca!
Subscrever:
Enviar feedback (Atom)
2 comentários:
nun rasgues cortinas i scaches bidraças que ls bidros podan t'acertar, deixa la aranheira un sou telar; yé sinal de fortuna.
beisos,
ac
Fertuna ye nun tener aranheiras ne ls uolhos...
Ls bidros de la jinela son anti-scadarça; de las cortinas nun gusto por nun deixáren ber l cielo.
BS
A.
Enviar um comentário