Alcina Pires Quiero, mais ua beç, dar ls parabienes a la pintora Alcina Pires pula guapa sposiçon que ten a público ne l Clube Residencial “São Miguel” an Lisboua.
Zed hai muito tiempo que you conheço ls trabalhos i modos de pintar desta stramuntana, mas ye bendo estes redadeiros trabalhos que agora spon, i alguns son bien recientes, que me dou cunta de la berdadeira caminada que la pintora fizo i l lhugar alto que merece ne l mundo de las artes. Nua andada firme i leal als sous ampeços na arte de pintar, rebela eiqui mais ua beç que la sue anclinaçon pul tema dua pintura lhiada als oufícios i lhidas de la tierra que la biu nacer ye mui fuorte. Ye un mote que se rebela bien querido par’eilha, mas que eilha quando trabalha l fai bien i la recumpensa ye rial, dun modo singular i ua mimória bien cultibada.
Durante la besita a la sposiçon i la cuntemplaçon de ls quados you fiç ua biaige bien lharga. Ua biaige chena de magie, zlhumbrante nas quelores i amistosa na sue cumposiçon. Deixei-me lhebar pul ancanto sien teimas nien canseiras, squeci-me de las demoras, stube nun tiempo bien dantes, nun dei pulas defréncias, anque nada me ye andefrente.
Se la pintora bota ne ls sous trabalhos l que le bai n’alma i ne l sprito, i deixa ua mensaige cumo l fai l scritor quando agarra na fuolha de papel i ne l lhápeç lhebando l lheitor pa l mundo mágico, estes quadros que Alcina pintou tubírun la birtude de me lhebar para esses sítios, par’aquel mundo de la mie anfáncia i de ls mius suonhos.
Dezir-te muito oubrigado ye pouco, porque nun hai nada que pague l çpertar de las nuossas recordaçones adrumecidas, nun hai nada que pague l’alegrie i sastisfaçon destes memientos. Mas puodo dezir-te que l tou don de seres capaç de trasportar todo este sentimiento buono pa ls quadros i ua grande birtude. Yá lhiebas ua buona jornada nesta arte de pintar, nun pares que l camino solo se fai andando, i l que stás fazendo ye dun balor eilebado.
Yá hoije muitos de ls tous quadros se rebélan registros de l que fui la bida de las gientes ne l praino mirandés, you tengo la certeza que estes séran ls teçtemunhos adonde las feturas geraçones se puoden agarrar para coincer l passado. Nun ls registrar serie algo que naide iba a perdonar. Quando trabalhas nesta arte stás a deixar ua riqueza tamanha que naide sabe l précio nien la sue dimenson.
Bien haias pula cuntribuiçon que dás a la cultura i a l’arte.
Zed hai muito tiempo que you conheço ls trabalhos i modos de pintar desta stramuntana, mas ye bendo estes redadeiros trabalhos que agora spon, i alguns son bien recientes, que me dou cunta de la berdadeira caminada que la pintora fizo i l lhugar alto que merece ne l mundo de las artes. Nua andada firme i leal als sous ampeços na arte de pintar, rebela eiqui mais ua beç que la sue anclinaçon pul tema dua pintura lhiada als oufícios i lhidas de la tierra que la biu nacer ye mui fuorte. Ye un mote que se rebela bien querido par’eilha, mas que eilha quando trabalha l fai bien i la recumpensa ye rial, dun modo singular i ua mimória bien cultibada.
Durante la besita a la sposiçon i la cuntemplaçon de ls quados you fiç ua biaige bien lharga. Ua biaige chena de magie, zlhumbrante nas quelores i amistosa na sue cumposiçon. Deixei-me lhebar pul ancanto sien teimas nien canseiras, squeci-me de las demoras, stube nun tiempo bien dantes, nun dei pulas defréncias, anque nada me ye andefrente.
Se la pintora bota ne ls sous trabalhos l que le bai n’alma i ne l sprito, i deixa ua mensaige cumo l fai l scritor quando agarra na fuolha de papel i ne l lhápeç lhebando l lheitor pa l mundo mágico, estes quadros que Alcina pintou tubírun la birtude de me lhebar para esses sítios, par’aquel mundo de la mie anfáncia i de ls mius suonhos.
Dezir-te muito oubrigado ye pouco, porque nun hai nada que pague l çpertar de las nuossas recordaçones adrumecidas, nun hai nada que pague l’alegrie i sastisfaçon destes memientos. Mas puodo dezir-te que l tou don de seres capaç de trasportar todo este sentimiento buono pa ls quadros i ua grande birtude. Yá lhiebas ua buona jornada nesta arte de pintar, nun pares que l camino solo se fai andando, i l que stás fazendo ye dun balor eilebado.
Yá hoije muitos de ls tous quadros se rebélan registros de l que fui la bida de las gientes ne l praino mirandés, you tengo la certeza que estes séran ls teçtemunhos adonde las feturas geraçones se puoden agarrar para coincer l passado. Nun ls registrar serie algo que naide iba a perdonar. Quando trabalhas nesta arte stás a deixar ua riqueza tamanha que naide sabe l précio nien la sue dimenson.
Bien haias pula cuntribuiçon que dás a la cultura i a l’arte.
7 comentários:
Bin haias Faustino, por mos mostrares ls quadros de Alcina.
You nun puodo ir a ber, mas quedo cuntento.
Abraço
Almendra
Faziste bien Faustino, dar l relebo que mereçe la nuossa cunterrânea i amiga Alcina. L trabalho deilha merece toda l carino, nun só por se tratar dua amiga, mas sobretodo pula pureza de ls santimiento que pon no sou trabalho. You sou un admirador de l´arte deilha. Alçina que me çculpe mas you guosto mais de ls trabalhos mais antigos, que cuontan ls nuossos passos de ls trabalhos ne l campo, ende ancuontro ua realidade quaije patética, mas berdadeira.
Válter Deusdado
Buonas nuites, Faustino.
Pode dizer-me só onde fica o Clube Residencial “São Miguel” e até quanto estará lá à exposição?
Um abraço.
Amigo Firmino
Las mies çculpas de solo agora respunder, mas onte nun stube porqui (net)
Tamien nun bos ambio la respuosta por Ameil porque nun l tengo, i gustaba de l tener
Anton ye assi, deixo eiqui l cumbite que publiquei ne l site www.nialdelaboubielha.org hai uns dies atrás, que podeis ir alhá adonde stá todo (an redadeiras amboras)
O Clube Residencial S. Miguel e Alcina Pires convidam V. Exa. a comparecer nas suas instalações para a inauguração da exposição de pintura Naif “Memórias com Alma e História” de Alcina Pires, que se realiza no dia 05 de Nov embro, quarta-feira pelas 19,00 horas. Segui-se-á um beberete.
A exposição decorre até ao dia 30 de Novembro de 2008, de segunda a domingo das 11,00 às 19,00 horas.
Rua Frei Tomé de Jesus, nº5 – 1700 Lisboa – Telefone 217996000
(Junto à Av. E.U.A, por detrás do cinema Quarteto)
Un abraço
Faustino
Buonas nuites,
Antes de mais ls parabienes a Alcina pula sue sposiçon. Siempre gustei de la sue pintura i tengo i tengo an mie casa un guapo quadro que le merquei hai yá bários anhos.
Ne l Jornal Nordeste desta sumana bai a salir ua anterbista cun Alcina Pires, feita por Faustino Anton. Quedou mui bien. Tamien por esso, parabienes als dous.
Amadeu
Parabienes a Alcina, por mais esta spociçon. You stube alhá neste fin de sumana i gostei muito. La maiorie de ls qudros retrata bien las lhabutas que acuntecien an Zenízio i nas outras aldés. Estas lhabutas ne ls dies d´hoige yá nun son deste modo i dende la grande amportança deste trabalho.
Um abraço do amigo Francisco.
Buonas nuites.
Eu também já visitei a exposição e gostei muito.
Parabéns, Alcina.
Enviar um comentário