L sábado que ben, l 29 de Novembre, ende pulas 16 horas, bai a ser l salimiento de l lhibro "Memórias de uma vida para esquecer" (uma pieça de triato) de la mie outorie, eiditado pula Apenas Livros. L lhibro será apresentado pula eiditora Fernanda Frazão i por mi. Apuis bai a ser lido un cachico de l lhibro. Todo se bai a passar na rue São Filipe Nery, nº 25 B, an Lisboua. Para dar cun essa rue, ye assi: bai-se até al Lhargo de l Rato i la rue de São Filipe Nery ye la rue que cgube de l lhado squierdo de ls correios.
Stá todo mundo cumbidado para aasistir i oatecipar neste salimiento. Outro fabor que bos pido: spalhai esta nobidade puls buossos cuntatos.
Un abraço i até sábado,
Firmino
http://www.apenas-livros.com/pagina/apenas_de_cordel/4?id=298http://atrama.blogspot.com/2008/11/e-finalmente-semana-dos-festejos.html
9 comentários:
Buonas tardes Fir!
Ora ua destas!... Anton andábamos eiqui de cumpanha cun un dramaturgo i un home sien saber de nada! Al menos you, que ando siempre çporbenido.
Un abraço arrochado de parabienes! Fuortes parabienes!!
You nun poderei star, ah Fir, i tengo pena. Mas tengo la certeza que todo bai a correr bien.
Tamien stá buno de ber que nun conheço l testo, mas tamien sei- ó çcunfio - que tener l prefácio de Mario de Carvalho nun será para un testo qualquiera. Inda más parabienes!
Stou cheno de proua por te poder cuntar cumo un de ls "nuossos".
Si quedo bien cuntento!!
Un abraço arrochado
Alfredo
Caro Fir, fazeis parte de l grupo de Mirandés, mas miesmo que nó faziras, ye ua grande façanha screber un lhibro, i you abio-me a dar-le ls parabienes. Fico cun curjidade para l lher.
Mais ua beç parabienes i cuntinai siempre screbiendo.
Válter Deusdado
Buonas tardes amigo Firmino
Puis si m'apanheste bien çporbenido.
Mas ua cousa you puodo dar-te yá ls parabienes, i muitos parabienes.
I mais digo, cumo dixo Tortulhas, anton tenemos eiqui un dramaturgo i nós sien saber!
Ye un modo de t'animar i dar fuorças.
Que nunca te fálten son ls mius deseios.
Nun bou a poder star, mas yá spalhei la nuoba i publiquei ne l site de l'Associaçon www.nialdelaboubielha.org
pa to l mundo que alhá bai saber.
Cuntina siempre
Un abraço
Faustino Antão
Parabienes Firmino.
Para mi ye siempre uã grande alegrie, quando beio un amigo fazer uã façanha cumo la que tu faziste, screbir un libro i inda po riba eiditá-lo.
Arrebençoado home que deste a la nuossa léngua mais un upa...
Un abraço
Almendra
Buonas nuites Fir!
Assi se fai! L salimento bai ser ua fiesta! Nun estarei alhá mas a lheitura debrebe la farei.
Muitos parabiens!
Un abraço, menos arrochado que l de Tortulhas mas bien caliente,
ACangueiro
Buonos dies Fir!
Ampeço por dar-te ls parabienes, por tan grande façanha, mas cun muita pena nun bou a poder star ne l salimiento.
Ls amigos de l mirandés quédan cuntentes i tamien mais ricos por un de ls sous realizar tan grande i nuobre obra.
Parabienes mais ua beç i un grande abraço de l amigo Francisco.
Caro Fir,
Yà te dixe de biba boç la pena de nun poder star persente.
Mas bou a ler l lhibro. I ende bai ua porbocaçon: que tal la sue traduçon para mirandés?
Queda l zafios a todos ls blogueiros de l froles i la pregunta a la eiditora se quier eiditar.
Un abraço,
Amadeu
Buonas nuites.
Quero agradecer a todos os "comentadores" as palavras de apoio que me dirigiram. Só não pude fazê-lo antes, porque a minha internet só trabalha quando quer.
O evento correu bem. Infelizmente, não posso oferecer livros a todos, mas ele também não é muito caro. Quem estiver interessado, pode mandar-me um e-mail e eu explico como o podem adquirir (ó para mim a fazer publicidade).
Em relação ao desafio do professor Amadeu, já falei com a editora, que está disposta a discutir o projecto. Eu gosto da ideia e devo acrescentar que a Apenas Livros já editou livros em mirandês, numa colecção chamada "L filo de la lhéngua", coordenada pelo António Bárbolo Alves (http://apenas-livros.com/pagina/apenas_de_cordel/12).
Porsor Amadeu, quando puder, tomamos um café e falamos sobre o projecto.
Abraços a todos.
Enviar um comentário