‘Sprito Gama Barros’ al rubro ne ls 40 anhos

Eimoçon marca l tornar d'antigos docentes

Ye ua scuola que recebiu l mirandés an sue casa cun l salimiento de Antre Monas i Sbolácios, de la que fui alhá porsora por binte siete anhos, Adelaide Monteiro.
Porque quien ye amigo de l mirandés tamien ye nuosso amigo, achei que l debiemos un abraço de parabienes puls sous 40 anhos i que serie bien publicar eiqui este texto.

Muita eimoçon i nostalgie spalhórun-se, na passada sesta, por salas i corredores de la Secundária de Gama Barros, an resultado de las comemoraçones de ls 40 anhos passados subre la criaçon daquel stablecimiento d'ansino de Cacén (anton cumo scuola técnica, por Decreto datado de 28 de Outubre de 1971).

Sposiçones i un grande spetaclo al bibo, juntando porsores i alunos an palco, seguido de ceia, fúrun ouportunidades aporbeitadas por muitos antigos porsores para matar soudades de tiempos idos que quedórun guardados nun lhugar mui special, anrebulhado an afetos. L rencontro spressou-se, naturalmente, an muitos abraços i bejitas als recantos dua scuola que, antretanto, creciu an porjetos eiducatibos i cursos,mas siempre mantenendo l “sprito Gama Barros” que l sou diretor, António Goubeia, se ourgulha an defenir: “Mantenermos-mos todos juntos, formando un todo, todos caminando an prol de la scuola, todos daprendendo cun todos”.

Assi l ten sentido l respunsable mássimo de la scuola, pul menos zde qu'eilhi stá, yá alhá ban quaije 23 anhos, ls radadeiros dous cumo diretor. De resto, debido a la sue participaçon ne l spetaclo “Gama Barros – 40 anhos: Tanta giente, Tanta bida”, António Goubeia pudo dar mais un eisemplo prático dessa filosofie. “You, qu'al segundo golo de l Benfica yá fico rouco, fui daprender a cantar, an dous ansaios solo, cun un rapaç que fui miu aluno i que, claro, se fartou de rir de l miu sfuorço. Mas l cierto ye que me ansinou algo de l sou talento na ária musical i de l canto, ó seia, ls porsores tamien daprenden culs alunos i esso ye positibo”.

Cun esso cuncorda Heilena Manso, de 74 anhos, anque tamien seia d'oupenion que “antes ls alunos cumportában-se melhor, teniemos mais mano neilhes”. L’antiga docente bieno de la Secundária Ferreira Dias pa la Gama Barros quando esta se apartou daqueilha, an termos lhogísticos, an 1983. “Stube acá mesmo zde l'ampeço, inda ajudei a poner estas arbles, culs alunos, puis nun habie acá nada”, recorda, cunfirmando que se calçaban galochas por necidade, yá que ls acessos i ls spácios “nun éran nada cumo hoije, nun habie estes caminos d'alcatron, estes jardines…”. Deixou la scuola i l'ansino público hai 15 anhos.
“Sinto, inda hoije,umagrande nostalgie, fui ua scuola special”.

Para rialçar essa hardança, que ye tamien furmiento de l persente, la porsora Rosa Cuosta eilaborou un basto porgrama de comemoraçones. Para alhá de l'acerbo fotográfico besible ne l 1.º piso de l Pabilhon H, l passado relatado por quien l bibiu, tamien stará çponible mais tarde, an material scrito. Na passada sesta-feira fui tamien einougurado un nuobo spácio de sposiçones, la Galerie C (pabilhon), adonde stan patentes obras de porsores-outores.

Depuis destes purmeiros eibentos subre la “La Custruçon i la Partilha de la Mimória”, que se prolongaran até Dezembre, la porgramaçon eirá refletir subre “A Escola: l star deciplinados”, an que l'oubjetibo será “balorizar las anterbençones de ls alunos relatibamente a todas las deciplinas que fázen parte de la nuossa ouferta”, diç Rosa Cuosta. Al fin, an Maio i Júnio, “La Scuola Berde” bai cumbidar a “bibir ne l sterior, aprobeitando l fato de tenermos eiqui ua grande tradiçon de EcoEscola i de la Bandeira Berde”.

Un porgrama feito cula prata de la casa, esto ye, cun recurso als muitos porjetos eiducatibos de la scuola. La qual, mesmo assi, quier cuntinar a crecer. Aliás, se António Goubeia podisse beneficiar dun persente d'anibersairo a la scala de ls 40 anhos assinalados por estes dies, nun heisitarie: scolherie tener a la puorta de la Gama Barros abós i pais a la spera de ls sous ninos.

“Siempre tengo defendido l território eiducatibo de l Cacén, ó seia, la possibelidade d'esta freguesie acuolher ls 5.º i 6.º anhos qu'atualmente son lhecionados na freguesie de Agualba; i nós tenemos eiqui todas las cundiçones para albergar essas turmas i passar a ouferecer un cuntino de ciclos d'ansino, zde l 5.º al 12.º anho”, diç l diretor de la Secundária Gama Barros, sperançado nessa mudança, que poderá anriquecer, inda mais, la stória daquele stablecimiento d'ansino.

Jorge A. Ferreira
(Jornal da Região de Sintra, Edição nº 288)

(Em Português)

‘Espírito Gama Barros’ao rubro nos 40 anos
Emoção marca regresso de antigos docentes

Muita emoção e nostalgia espalharam-se, na passada sexta-feira, por salas e corredores da Secundária de Gama Barros, na sequência das comemorações dos 40 anos decorridos sobre a criação daquele estabelecimento de ensino do Cacém (então como escola técnica, por Decreto datado de 28 de Outubro de 1971).

Exposições e um grande espectáculo ao vivo, juntando professores e alunos em palco, seguido de jantar, foram oportunidades aproveitadas por muitos antigos docentes para matar saudades de tempos idos que ficaram guardados num lugar muito especial forrado de afectos. O reencontro expressou-se, naturalmente, em muitos abraços e visitas aos recantos de uma escola que, entretanto, cresceu em projectos educativos e cursos leccionados, mas sempre mantendo o “espírito Gama Barros” que o seu director, António Gouveia, se orgulha em definir: “Mantermo-nos todos juntos, formando um todo, todos caminhando em prol da escola, todos aprendendo com todos”.

Assim o tem sentido o responsável máximo da escola, pelo menos desde que ali está, já lá vão quase 23 anos, os últimos dois como director. De resto, devido à sua participação no espectáculo “Gama Barros – 40 anos: Tanta gente, Tanta vida”, António Gouveia pôde dar mais um exemplo prático dessa filosofia. “Eu, que ao segundo golo do Benfica já fico rouco, fui aprender a cantar, em dois ensaios apenas, com um rapaz
que foi meu aluno e que, claro, se fartou de rir do meu esforço. Mas o certo é que me ensinou algo do seu talento na área musical e do canto, ou seja, os professores também aprendem com os alunos e isso é positivo”.

Com isso concorda Helena Manso, de 74 anos, embora também seja de opinião que “antes os alunos comportavam-se melhor, tínhamos mais mão neles”.A antiga docente transitou da Secundária Ferreira Dias para a Gama Barros quando esta se separou daquela, em termos logísticos, em 1983. “Estive cá mesmo desde o início, ainda ajudei a plantar estas árvores, com os alunos, pois não havia cá nada”, recorda, confirmando que se usavam galochas por necessidade, já que os acessos e os espaços “não eram nada como hoje, não havia estes caminhos de alcatrão, estes jardins…”. Deixou a escola e o ensino público há 15 anos.
“Sinto, ainda hoje, uma grande nostalgia, foi uma escola especial”.
Para realçar essa herança, que é também fermento do presente, a professora Rosa Costa elaborou um vasto programa de comemorações. Além do acervo fotográfico visível no 1.º piso do Pavilhão H, o passado relatado por quem o viveu também estará disponível, mais tarde, em material escrito. Na passada sexta-feira foi, também, inaugurado um novo espaço de exposições, a Galeria C (pavilhão), onde estão patentes obras de professores-autores.
Depois destes primeiros eventos sobre a “A Construção e a Partilha da Memória”, que se prolongarão até Dezembro, a programação irá reflectir sobre “A Escola: o estar disciplinados”, em que o objectivo será “valorizar as intervenções dos alunos relativamente a todas as disciplinas que constituem a nossa oferta”, diz Rosa Costa. Finalmente, em Maio e Junho, “A Escola Verde” vai convidar a “viver no exterior, aproveitando o facto de termos aqui uma grande tradição de Eco Escola e da Bandeira Verde”.
Um programa feito com a prata da casa, isto é, com recurso aos muitos projectos educativos da escola. A qual, mesmo assim, quer continuar a crescer. Aliás, se António Gouveia pudesse beneficiar de um presente de aniversário à escala dos 40 anos assinalados por estes dias, não hesitaria: escolheria ter à porta da Gama Barros avós e pais à espera das suas crianças.
“Sempre tenho defendido o território educativo do Cacém, ou seja, a possibilidade de esta freguesia acolher os 5.º e 6.º anos que actualmente são leccionados na freguesia de Agualva; e nós temos aqui todas as condições para albergar essas turmas e passar a oferecer um contínuo de ciclos de ensino
desde o 5.º ao 12.º ano”, diz o director da Secundária Gama Barros, esperançado nessa mudança, que poderá enriquecer, ainda mais, a história daquele estabelecimento de ensino.

Jorge A. Ferreira
(Jornal da Região de Sintra, Edição nº 288)